web counter
LEXO PA REKLAMA!

SHKARKO APP

App Store
Google Play

E fundit!

x

Uashingtoni jep alarmin/ 1 në 3 gjyqtarë ka mbi 250 mijë euro pasuri

5 Gusht 2018, 06:43, Aktualitet CNA

Shtetet Bashkuara të Amerikës u kanë dhënë një tjetër goditje gjyqtarëve në vend. Vite me parë ishte ambasadori Donald Lu ai i cili deklaroi se korrupsioni mund të shihet te orët dhe makinat e njerëzve të drejtësisë, ndërsa tani USAID flet me të dhëna konkrete.

(USAID është programi amerikan i asistencës financiare dhe teknike për shumë vende të botës, mes të cilave dhe për vendin tonë)

Në një raport të nxjerrë në faqen zyrtare në internet, USAID ka bërë të ditur se korrupsioni në gjykatat shqiptare kap shifra galopante. Duke ju referuar të dhënave të marra nga ILDKP, USAID bën me dije se 1 në 3 gjyqtarë ka një pasuri mbi 250 mijë dollarëshe, ndërsa ka emra që kjo arrin në mbi 1 milion dollarë. Sipas amerikanëve, të gjithë këta emra dyshohet se janë të korruptuar, pasi rroga mesatare e tyre në vit është te rreth 10 mijë euro.

Më pas jepen dhe detaje se si gjykatësit shkojnë të korrupsioni. Për amerikanët shqetësues është fakti që gjyqet nuk bëhen në salla, por bëhen brenda zyrave të gjyqtarëve dhe aty nuk ka transparencë. Kjo rrit shanset që brenda asaj zyre të bëhen afera.

Një tjetër shqetësim që vënë re amerikanët është se jo në të gjitha gjykatat përdoren mikrofonët me qëllim regjistrimin e seancave, por gjithashtu problematic për USAID rezulton sistemi online i gjykatave. Në dokument thuhet se faqja zyrtare e Gjykatës së Tiranës ka pasur vazhdimisht probleme dhe palët nuk njoftohen në kohë për mbajtjen e seancave gjyqësore. ?Një nga problemet që duhet të trajtohet është se rreth 50 për qind e gjyqeve në këtë gjykatë janë shtyrë prej sistemit defektoz të njoftimit, ku njoftimet gjyqësore nuk i dërgohen saktësisht dhe në kohë dëshmitarëve dhe të akuzuarve?, thuhet në njoftimin e USAID.





Lajmet e fundit nga