E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Masakër në Fushë-Krujë/ Ja çfarë u gjet në vendin e ngjarjes

14 Korrik 2018, 15:42, Aktualitet CNA

Një person është ndaluar nga policia Krujës, ndërsa një tjetër është shpallur në kërkim policor për vrasjen e Kejsi Hysës, i njohur edhe me emrat Eljon dhe Sahit. Burime policore thanë për ?PANORAMA?, se autorët e dyshuar janë ndaluar pas përgjimeve telefonike.

34-vjeçari Hysa u gjet këtë të shtunë i groposur pranë varrezave të fshatit Shelqet, Komuna Nikel, në Fushë-Krujë.

?Grupi hetimor ka bllokuar një sërë provash materiale?, njoftoi zyrtarisht Policia.

Ndërsa burime policore saktësuan se pranë vendit ku i gjet i groposur trupi i 34-vjeçarit janë gjetur dy armë zjarri, një pushkë dhe një pistoletë.

Kush është i arrestuari?

Policia njoftoi zyrtarisht se personi i vënë në pranga është me iniciale H.R.. Burime thanë për ?Panorama? se ai ka folur në celular me viktimën dhe kështu hetuesit kanë rënë në gjurmët e rij.

Ndërsa në kërkim policor është shpallur një tjetër person me iniciale A.T..

Vrasja në Sarandë

Kejsi Hysa u denoncua i zhdukur në polici disa ditë më parë nga familjarët, të cilët ndritën dyshime se 34-vjeccari mund të ishte ekzekutuar. Hysa ishte edhe në kërkim policor për një vrasje në bashkëpunim, të ndodhur në Saranda, disa vite më parë.

Kjo është një nga pistat e hetimit ku është përqendruar policia për vrasjen e 34-vjeçarit, megjithatë hetimet janë shtrirë edhe në pista të tjera.

Për 34-vjeçarin e gjetur sot të vrarë, gjykata ka caktuar masën arrest me burg për një vrasje të ndodhur 3 vite më parë, në 10 Korrik 2015 në qytetin e Sarandës.

Ai rezulton i shpallur në kërkim si bashkëpunëtor në vrasjen e Edmond Theodhorit, pronar i një lavazhi në këtë qytet.

Mes viktimës, 32-vjeç dhe autorëve ka pasur një grindje për shkaqe banale. Një ditë më pas 6 persona e kanë rrethuar Edmond Theodhrin dhe pasi i kanë shkatërruar makinën me leva dhe shkopinj bejzbolli e kanë qëlluar për vdekje me një pistoletë.

Disa nga personat e akuzuar si të përfshirë u vunë në pranga pas krimit, ndërsa Hysaj ishte në kërkim policor.