web counter
LEXO PA REKLAMA!

SHKARKO APP

App Store
Google Play

Prokurori Cama i përfshirë në afera korruptive/ Zbardhen faktet

11 Korrik 2018, 09:32, Aktualitet CNA

Gjatë seancës së vettingut për prokurorin Adriatik Cama, KPK-ja nxorri në dritë një tjetër fakt që e bën të dyshuar Camën për korrupsion..

Gjatë kohës kur ishte Prokuror në Lushnjë Cama sipas KPK-së është përfshirë në korrupsion. Për të pushuar një çështje prokurori  ka marrë para nga familjarët e një të akuzuari për kontrabandë.

Sipas relatores Qirko, prokurori Cama është një person që mund të vihet lehtë nën presion.

KPK shprehet se në pikën e çështjes së figurës, Cama ka papërshtatshmëri për vazhdimin e punës.

Në fjalën e tij prokurori Adriatik Cama shprehet se KPK-ja nuk ka treguar disa prova të cilat ai i ka paraqitur. Gjithashtu më tej, prokurori tregon se  nuk janë llogaritur shpenzimet e familjes së tij ndër vite.

?Arrij në konkluzionet se çdo lloj gjetje do cënojë figurën time si prokuror. Kërkoj të rikonfirmohem në detyrë. Gjithë jetën time nuk kam qënë pjesë e aferave korruptive.

Shpjegimet i kam paraqitur para jush duke menduar se proçesi do jetë i vërtetë. Jo çdo gjetje është e vërtetë, me trupën gjykuese kam qënë bashkëpunues.

Në 2011 nuk jam intimiduar dhe nuk jam frikësuar nga presionet ? shprehet prokurori Adriatik Cama teksa gjendet përballë komisionit të vettingut.

Vendimi për prokurorin pritet të jepet nesër në orën 09:00./CNA.al





Lajmet e fundit nga