web counter
LEXO PA REKLAMA!

SHKARKO APP

App Store
Google Play

Vrasja e shoferit të Xhafajt/ Misteri që i mori jetën 31-vjeçarit

1 Korrik 2018, 07:57, Aktualitet CNA

Ditën e djeshme në garazhin e Gardës së Republikës është gjetur i vrarë me plumb në kokë shoferi i ministrit të Brendshëm Fatmir Xhafaj, Shkëlzen Qordja, 31-vjeç.

Aludime të shumta u ngritën lidhur me këtë ngjarje, e cila u paraqit si vetëvrsasje e mundëshme e të riut.

Sipas Policisë dhe Prokurorisë Qordja mund të jetë vrarë, mirëpo opozita hedh poshtë këtë tezë e cila shpreh bindjen se kemi të bëjmë me ekzekutim të tipit mafioz.

Janë disa çështje për të cilat ngrihen një sërë pikëpyetjesh.

Së pari pikëpyetjet ngrihen te arma. Kemi të bëjmë me një armë tip ?MP5? automatike, e cila në peshë është më e rëndë se pistoleta, pasi është tip armë e ngjashme me ?Tomsonin?. Policia në deklaratë shprehet se me të është qëlluar 3 herë dhe arma është në dorën e viktimës. Kjo ka ngjallur dyshime pasi një armë e tillë peshon disi dhe ka shumë forcë. Për këtë arsye me shumë gjasë ajo duhej të kishte rënë në ambientet e makinës.

E dyta është se nuk përcaktohet se sa plumba ka marrë në kokë gardisti. Në deklaratë thuhet se janë gjetur 3 gëzhoja, por nuk thuhet nëse që të tre plumbat janë në trup, apo ka dhe në makinë.

E treta është se përse Policia, SHÇBA dhe Prokuroria dolën me një deklaratë të përbashkët shtypi, e cila nuk ka ndodhur më parë. Një tjetër pikëpyetje është se nuk jepet ora e vdekjes, pasi në varësi të orarit është shumë lehtë e verifikueshme nëse kemi të bëjmë me vrasje apo vetëvrasje. Çdo person që hyn e del në Gardë regjistrohet dhe në kamera shihet shumë lehtë. Megjithatë polica pretendon se garazhi ka qenë i mbyllur nga brenda dhe për këtë arsye ka dyshime për vetëvrasje.





20:08 Aktualitet

Si vdes demokracia

Mësime të nxjerra nga fuqizimi i liderëve në shtete të dobët...

Lajmet e fundit nga