web counter
LEXO PA REKLAMA!

SHKARKO APP

App Store
Google Play

E fundit!

x

Skandal në komisariat/ Gruaja dhunohet në sy të policëve, nuk i regjistrohet kallëzimi penal

30 Qershor 2018, 14:33, Aktualitet CNA

Një denoncim ka mbërritur sot në redaksinë e CNA.al, sipas të cilit një grua është dhunuar barbarisht nga bashkëjetuesi dhe policia nuk ka marrë asnjë masë.

Në denoncim thuhet se gruaja, me tre fëmijë të mitur, është dhunuar nga bashkëjetuesi, por edhe pse ka marrë urdhër mbrojtje nga Gjykata, policia nuk ka marrë asnjë masë për zbatimin e urdhrit nga ana e gjykatës.

Ajo çfarë e bën edhe më tragjike dhe skandaloze ngjarjen është fakti se gruaja në fjalë ka shkuar për të bërë denoncim në polici, por policia nuk e ka regjistruar kallzimin.

?Një grua me emrin M.Sh., me arsim të lartë, me tre fëmijë të mitur, njëri në gji, është dhunuar shumë rëndë nga bashkëjetuesi i saj Florian.

Ka shkuar në Policinë Vlorë, ku është ende atje. Është thirrur bashkëjetuesi i saj Florian nga policia dhe si kapobandë në sy të policëve thotë: “Kjo vjen këtu se ka qejfë të shkoj me ju policët”!

Policët qeshin dhe nuk i marrin kallëzimin penal Minushe Shehu për dhunë në familje.?-thuhet në denoncimin e mbërritur në redaksinë e CNA.al.

Gjithashtu, i njëjti burim thekson se ?ajo ka marrë më parë edhe 3 urdhëra të tjerë mbrojtje nga Gjykata,  por Floriani nuk i zbaton sepse ka lokal superluks, ka para të pista pa fund, ka makinë superluks,  ka në dorë një orë që kushton sa i gjithë Komisariati i policisë Vlorë. Ndihmoheni këtë grua se është ende në Polici,  dhe të mos gjendet nesër në koshat e plehrave e vrarë dhe e masakruar. ?

Ne i shkuam edhe më tej, duke kontaktuar edhe personin e dhunuar.

Shtetasja Minushe Shehu, bëri të ditur për CNA.al, se ish-bashkëjetuesi është shprehur ndaj saj me fjalë fyese në prani të policëve, por nuk është marrë asnjë masë nga ana e uniformave blu.

Ajo tha se kishte shkuar në komisariat për të bërë denoncim, dhe kishte kërkuar që mos të njoftohej ish-bashkëjetuesi, por policia e ka njoftuar, duke i ballafaquar në ambientet e policisë. Në këto momente, po sipas shtetases Minushe Shehu, pas ofendimeve ish-bashkëjetuesi ka ushtruar edhe dhunë fizike ndaj saj.

Policia ka ndërhyrë vetëm pasi ka degjeneruar situata në përplasje fizike, por nuk ka regjistruar kallëzimin penal ndaj dhunuesit.

Ndër të tjera, ajo zbuloi edhe një detaj tjetër, përballjen e tyre në gjykatë për kujdestarinë e tre fëmijëve të mitur.

Në gjykatën e parë nga Mirela Mushgjoni fëmijët i janë caktuar dy të vegjlit mamasë, ndërsa i madhi vetëm 5 vjec babait, por me një tjetër vendim Gjykate ky urdhër është hedhur poshtë.

Gjykatësi Arqile Basho ka ndryshuar vendimin e Gjykatës së parë, duke ja lënë në kujdestari fëmijët nënës së tyre.

Minushe Shehu deklaroi për CNA.al se deri në përfundim të plotë të procesit gjyqësor, fëmijët i ka ajo nën kujdestari, dhe ish-bashkëjetuesi i saj mund ti takojë vetëm me praninë e policisë dhe të një psikologu.

Por në fakt nuk ka ndodhur kështu, pasi personi në fjalë ka arritur ti takojë fëmijët, madje i ka marrë nga një kopësht privat pa lejen e mamasë së fëmijëve dhe pa praninë e asnjë polici apo psikologu.





Lajmet e fundit nga