web counter
LEXO PA REKLAMA!

SHKARKO APP

App Store
Google Play

E fundit!

x

Bashës i “dridhet toka” nën këmbë/ Braktiset nga Berisha?

21 Qershor 2018, 07:31, Aktualitet CNA

Rindizen, sherret, përplasjet dhe mosmarrëveshjet brenda Partisë Demokratike. Dje janë dhënë sinjale shumë të qarta se opozita është e ndarë në dy kampe: Një i drejtuar nga Berisha-Kryemadhi dhe tjetri i drejtuar nga Lulzim Basha. Javët e fundit në PD është ngritur një grup me disa deputetë, të cilët po punojnë për të nxitur revolta, bojkot të Parlamentit dhe madje synojnë djegie të mandateve. Në krye të këtij grupi është Flamur Noka, ndërsa pas tij duket se fshihet Sali Berisha, i cili ditët e fundit në çdo reagim në rrjetet sociale ka bërë thirrje për kryengritje dhe revolta.-raporton gazeta Sot.

Kjo gjë u konfirmua dje nga vetë Flamur Noka. Gjatë mbledhjes së Komisionit Parlamentar të Sigurisë, Noka deklaroi se pas vendimit të BE, marrëdhëniet e PD me qeverinë do të ndryshojnë. ?Nuk është padija e Edi Ramës që pengon hapjen e negociatave por dashuria që ka për korrupsionin dhe krimin e organizuar që ka ky, ëndrra e Edi Ramës është të flejë në shtratin e krimit së bashku me qeverinë e tij dhe ta plaçkitë këtë vend pavarësisht se Europa po na largon dhe nuk po na afron në gjirin e saj. Pas një jave Europa do ia mbyll dyert Shqipërisë dhe do ia përplas në surrat Ramës. Marrëdhënia jonë me ju do të ndryshojë pas kësaj date, nuk do të pranojmë më që Edi Rama të mbajë peng të ardhmen Europiane të këtij vendi?, tha ai. Deklarata e Nokës tregon dhe një herë se Berisha po nxit deputetët pranë tij për revolta dhe reagim të ashpër ndaj qeverisë.

Që në protestën e 26 majit, Berisha ishte për dhunë dhe bojkot parlamentar, por Basha nuk e lejoi diçka të tillë. Së fundmi ish-kryeministri në rrjetet sociale ka këmbëngulur për revolta. Edhe dje e bëri një deklaratë të tillë, duke i dhënë një mesazh Bashës se në PD po lind një klan, i cili është për reagim të ashpër ndaj qeverisë.

Ndërkohë gazeta ka mësuar se kjo mbështetet dhe nga LSI. Ky grup ka në plan që të nisë bojkotin parlamentar, protesta të dhunshme dhe madje të shkojë deri te djegia e mandateve nëse Shqipërisë nuk i hapen negociatat.

Plani i Berishës dhe grupit pranë tij për revolta duket se nuk mbështetet aspak nga Lulzim Basha dhe aleatët e tij. Gazeta u interesua pranë PD mbi mënyrën se si do të vijojë aksioni opozitar dhe mësoi se momentalisht nuk ka asnjë plan, ndërkohë që synimi është që reagimet të rinisin në muajin shtator. Në vija të përgjithshme Basha ka rënë dakord dhe me aleatët e tij që në sesionin ri parlamentar opozita të nisë një fazë të dytë reagimi, ku të jetë më e konsoliduar dhe me ide më të qarta. Pak ditë më parë ishte Dashamir Shehi i cili tha se aksioni i ri do nisë në shtator. ?Ne do të fillojmë luftën nga shtatori e mbrapa në fillim duke ndryshuar ligjin zgjedhor?, tha Shehi pak ditë më parë.





Lajmet e fundit nga