web counter
LEXO PA REKLAMA!

SHKARKO APP

App Store
Google Play

E fundit!

x

Grusht-Shteti në Shqipëri/ Berisha zbulon skemën

20 Qershor 2018, 18:46, Aktualitet CNA

Ish-Kryeministri Sali Berisha është shprehur skeptik për hapjen e negociatave. Berisha në një intervistë për Ora News, ka radhitur arsyet se përse rrezikohet hapja e negociatave.

Sipas Berishës, negociatat nuk mund të hapen në një vend, kur drejtësia është degë e Qeverisë.

?Sot drejtësia është degë e ekzekutivit shqiptar. Është evidente. Muajt dhe viti kur duhet të vlerësohet Shqipëria, bëhet grushti i shtetit brenda shtetit. Asgjësohet Gjykata Kushtetuese dhe të gjitha funksionet e saj i shkojnë indirekt Edi Ramës dhe qeverisë. Paralizohet qëllimisht Gjykata e Lartë me të ashtuquajturën reformë unike në botë. Unë ftoj çdo shqiptar sot që t?i shtrojë pyetjen vetes; a është Shqipëria vendi që duhet të vendosë modelin që nuk ekziston askund në botë në drejtësi. Këtë nuk e them unë, e tha prokurori amerikan i dërguar për të marrë pjesë në vetting. Një model që nuk ekziston askurrkund, është një model ourellian.?, është shprehur Berisha.

Më tej Berisha ka tërhequr parale me shtetet fqinje, të cilat sipas tij janë model për t?u ndjekur.

?Shkoni dhe pyesni në Maqedoni cili është modeli i reformës? Edhe atyre u kërkohet reformë, por dy modele absolutisht të ndryshme që nuk kanë lidhje me njëri-tjetrin. Ata që e nisën që në fillim për ta parë drejtësinë shqiptare degë ekzekutivi, e bënë drejtësinë shqiptare degë ekzekutivi, por me këtë, ata i bënë gjëmën Shqipërisë. Zëvendësuan shtetin ligjor me narkoshtetin e Edi Ramës?, ka thënë Berisha. /CNA.al





Lajmet e fundit nga