web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave/ Deputeti Bundestagut kërkon shkarkimin e Xhafajt?

11 Qershor 2018, 15:15, Aktualitet CNA

Në një intervistë për “Opinion” numri dy i partisë së Kancelares Merkel në CDU/CSU, Dr. Johann David Wadephul teksa ka komentuar aktualitetin politik në Shqipëri, ka folur dhe për hapjen e negociatave të Shqipërisë më BE dhe çfarë e kushtëzojnë atë.

I pyetur për skandalin që u përshi ministri i Brendshëm Fatmir Xhafaj, lidhur me audiopërgjimin e publikuar nga PD, ka thënë se Xhafaj duhet të japë një sqarim të plotë për çështjen, por jo duke mbetur në detyrë si person i përfshirë.

“Në dijeninë time sipas fakteve të paraqitura dhe ligjislacionit, Ministri i Brendshëm është në këtë rast në konflikt interesi. Për kredibilitetin e vet ndaj popullit shqiptar si dhe ndaj partnerëve të tij evropian, Ministri i Brendshëm, i cili është përgjegjës për krijimin e rendit dhe ligjit, duhet të jetë i interesuar për një sqarim të plotë të çështjes.

Por kjo nuk mund të ndodhë nëse ai mbetet në detyrë si person i përfshirë. Kështu që ne ende kemi dyshime të konsiderueshme nëse ekziston vullneti politik për të praktikuar standardet ligjore të BE. Kjo nuk është një pyetje që mund të marrë përgjigje vetëm gjatë negociatave të pranimit, por duhet të kemi besim të qartë në gatishmërinë për veprimin e sundimit të ligjit para se të fillojmë negociatat e pranimit.

Por për sa kohë që këto dyshime nuk janë larguar bindshëm përmes sundimit të ligjit në mënyrë konsekuente, ne nuk mund ti hapim kapitujt e parë te bisedimeve, te cilat janë pikërisht kapitujt e shtetit ligjor 23 dhe 24”,- ka thënë Johann David Wadephul. /CNA.al





Lajmet e fundit nga