web counter
LEXO PA REKLAMA!

SHKARKO APP

App Store
Google Play

Kokaina e Maminasit/ Basha i përgjigjet akuzave të Ramës

7 Qershor 2018, 20:10, Aktualitet CNA

Kryetari i Partisë Demokratike, Lulzim Basha është ftuar mbrëmjen e sotme në emisionin ?Opinion? në TV Klan të Blendi Fevziut, ku ka diskutuar ndër të tjera dhe për kokainën e kapur në Maminas.

Lidhur me akuzat që mazhoranca i ka adresuar opozitës, për përfshirjen e drejtëpërdrejtë në këtë çështje, Basha ka thënë se nuk janë të vërteta.

Fevziu: PS ka akuzuar se është përfshirë në aferën e 613 kilogramëve kokainë të kapur në Maminas.

Çfarë mendimi keni për këtë?

Basha: Nuk është e vërtetë. Nuk ndodh kurrë që një  ngarkesë të kalojë pa u testuar më parë me ngarkesa të vogla për të parë rrugën dhe për meë tepër pa garanci të nivelit më të lartë.

Dhe ne e dimë që nuk mundet vetëm Ministri i Brendshëm të bëjë këtë lëvizje dhe padyshim që është i lidhur drejtëpërdrejtë Kryeministri.

Kujtojmë këtu se kryeministri Edi Rama në një intervistë të dhënë për ABC News, disa javë më parë ka thënë se në 613 kilogramët e kokainës të kapur në Maminas qëndrojnë zyrtarë të lartë të qeverisë Berisha, që sot janë në opozitë.  /CNA.al





Lajmet e fundit nga