Dokumentet dhe faktet/ Bashkia e Tiranës kapet “mat”, vjedhje qindra milionë lekë

6 Qershor 2018, 10:37, Aktualitet CNA

Bashkia e Tiranës përtej fasadave qëndron institucioni që nuk i ndahet korrupsionit dhe vjedhjeve.

CNA.al dje publikoi denoncimin e parë sesi ky institucion zhvillonte tendera për mjete dhe medikamente për qentë endacakë, ndërkohë që vlerat ishin abuzive dhe materialet nuk përputheshin aspak me tregun.

Shkrimi denoncon edhe shumat qindra milionë që Bashkia tenderon, të cilat në fakt nuk justifikojnë realitetin dhe atë që ndodh me qentë endacakë. Lexo të plotë:

CNA.al investigoi dhe bëri krahasimin e plotë të shumave apo vlerave që përdor Bashkia Tiranë dhe ato të tregut që në fakt janë 6 deri në 8 herë më shumë sesa mund të blesh produktin në një farmaci veterinare.

Për sterilizimin e një qeni endacak Bashkia Tiranë për vitin 2016 ka tenderuar 95 milionë lekë për 2500 qenë dhe shkon rreth 38 mijë, në vitin 2017 ka tenderuar 208 milionë lekë për 4000 qenë që duhet të sterilizoheshin dhe vaksinoheshin, me një kosto 52 mijë lekë. Të gjitha këto vlera janë sipas tederave denoncuar në shkrim e datës 05 qershor.

Në këto vlera janë përfshirë vetëm tenderat sipas Bashkisë, këtu janë përjashtuar rrogat e 26 veterinerëve, stafit ndihmës dhe kostot e tjera operacionale.

Në dokumentet e Bashkisë vlerat e medikamenteve dhe materialeve janë të fryra, ç?ka flet për një vjedhje të pastër. Për të verifikuar këtë shkuam në një farmaci veterinare, kostoja për sterilizimin dhe vaksinimin, sipas materialeve dhe medikamenteve të dokumentuara me fatura tatimore, të njëjtat që ka tenderuar dhe Bashkia Tiranë është vetem 649 lekë për një qen.

Pra 6 herë më pak sesa kostoja e Bashkisë Tiranë në vitin 2016, dhe 8 here më e ulët për vitin 2017. Diferenca këto që janë ne vlerat dhjetra e qindra milionë lekë të cilat kanë disa rrugë, xhepat e tenderuesve, të drejtuesve, të Lali Erit apo gjithë atyre që janë përshirë në këtë skemë kriminale të vrasjes së qenve endacakë dhe vjedhjes duke abuzuar me sterilizimin dhe vaksinimin e tyre.

CNA.al pas denoncimit të tenderave, investigimit të tregut në vijim do të sjellë foto dhe pamje ekskluzive nga vrasjet e qenëve në ambientet e klinikës së Bashkisë Tiranë. Shfarosja e tyre është një tjetër mundësi për vjedhje fondesh pasi duke gënjyer me numrin e tyre dhe duke 6 apo 8-fishuar kostot është ndërtuar një skemë korrupsioni që fillon në klinikën veterinare dhe përfundon tek kryebashkiaku Veliaj./ CNA.al