“Pakti” Frangaj-Fevziu-Blushi/ Pse zbarkoi Rama me Samir Manen dje në TV Klan?

6 Qershor 2018, 10:03, Aktualitet CNA

Në emisionin ?Opinion? të mbrëmjes së djeshme në TV Klan, mes të ftuarve ishin edhe kryeministri Rama si dhe biznesmeni i fuqishëm Samir Mane.

Në një shkrim të botuar në gazetën ?Koha Jonë?, Nikoll Lesi, referuar emisionit të mbrëmshëm shkruan se ?Gazetari i njohur Blendi Fevziu duket i paqartë në vendimin e tij për të mbetur në Klan apo shkuar në Top Channel.?

Sipas Lesit, zbarkimi i Ramës dhe Manes në Tv Klan, ndërkohë që ky i fundit njihet si miku i ngushtë i pronarit të Klan, shtron një pyetje në opinionin publik.

Lesi thekson se ?Pyetja në rrjetet sociale po rrotullohet: Për emisionin ?Opinion? ishin mbrëmë dyshja Rama-Mane apo për lëkundjet e Fevziut në raport me KLAN?!?

Shkrimi i plotë:

Gazetari i njohur Blendi Fevziu duket i paqartë në vendimin e tij për të mbetur në Klan apo shkuar në Top Channel. Fevziu ka lënë të kuptohet se nëse merr vendimin për t?u larguar, mund të shtyhet më tepër nga emocionet se sa nga racionaliteti.

Sipas tij, televizionet në Shqipëri tashmë dominohen kryesisht nga anti-vlerat, dhe kjo shkakton që të mos kenë peshë e sukses.

Zhurma nëse do të rrijë apo do iki, ka pushtuar mediat, pasi së pari Blendi Fevziu nuk është gazetar i kollajshëm, ai mbetet gazetar VIP dhe numri një në botën e tij televizive. E dyta se flitet për dy televizionet më të mëdha në vend, TV KLAN dhe TOP CHANNEL.

Në Klan drejtor i përgjithshëm dhe pronar është Aleksandër Frangaj, kurse në Top Channel drejton Ben Blushi. Të dy nga shkolla e gazetës ?Koha Jone?, të dy kanë qenë kryeredaktor në vitet me të stuhishme të kësaj gazete të parë të pavarur. Sandri ka fuqinë e vendimit, pragmatizmin dhe qëndrestar për interesat e medias së tij, kurse Blushi mbart vizionin, bashkëpunimin dhe elokuencën e vendimit.

Me këtyre të dyve duhet të vendos Blendi Fevziu. Ndryshe sa më shumë zgjatet vendimi si tërkuzë atëhere kjo kthehet si telenovelë turke që transmeton Klani apo si telenovelë amerikanojugore të cilën transmeton Top.

Ndërkohë këtë të martë në mbrëmje kanë zbarkuar në TV KLAN te ?Opinion? vetë kryeministri i Shqipërisë, Edi Rama dhe miliarderi, po shqiptar, Samir Mane. Ky i fundit njihet si miku i ngushtë i pronarit të Klan.

Pyetja në rrjetet sociale po rrotullohet: Për emisionin ?Opinion? ishin mbrëmë dyshja Rama-Mane apo për lëkundjet e Fevziut në raport me KLAN?!

Burime të fundit tregojnë se Fevziu ka vendosur të qëndrojë në Klan.

E gjithë zhurma mbeti si një film serial me dy seri, ku dihej përfundimi vetëm nga tre veta: Sandri, Fevziu dhe Blushi.