E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Qeveria e Fahri Balliut

21 Maj 2018, 08:12, Aktualitet CNA

Prej pesë vitesh, kemi ditur qeverinë ?Rama?, apo qeverinë ?Rama-Meta?. Më përpara kemi njohur qeverinë ?Berisha-Meta? apo qeverinë ?Berisha?, qeverinë ?Nano?, qeverinë ?Meta?, apo më përpara qeverinë ?Meksi?, e kështu me radhë.

Por, sot në fakt në Shqipëri përtej qeverisë ?Rama?, kemi qeverinë ?Fahri Balliu?. Qeverinë ?Rama-Balliu? ndoshta do të quhej drejt.

Në këto pesë vite, Fahri Balliu ka qënë një nga njerëzit e preferuar të qeverisë, gjatë kohës kur Ilir Meta ishte pjesë e saj. Për shkak se dyert e ministrisë së Bujqësisë, të Transporteve dhe institucione të tjera të rëndësishme, i hapeshin sa herë ai dëshironte.

Kjo për influenca klienteliste, korruptive e të tjera si këto, të cilat kishin filluar që në qeverinë e ?Berishës? . Të mos harrojmë se ky është nga mandatet e qeverisjes së Fahri Balliut, që turpësisht ministrat i hapin derën për shkak të frikës që kanë nga ish-sigurimi dhe ish-spiuni, i akuzuar shpesh në media me pseudonimin ?Këndezi Fahri Balliu?.

Dje CNA.al raportoi një takim të gjerë mes Fahri Balliut dhe Niko Peleshit, ministri aktual i Bujqësisë, ish-zv.kryeministër dhe krahu i djathtë i Edi Ramës.

Një bisedë ku flitej për PD-në, për bashkëqeverisjen, por edhe disa qoka që kërkonte Fahriu nga Nikoja, pra disa favore.

Nuk është Niko Peleshi i vetmi ministër në qeverinë e Edi Ramës, që i shërben Fahri Balliut. Është edhe Damian Gjiknuri, një nga ata që është shumë afër tij. Askush të mos çuditet po të flasim që ka edhe disa ministra të tjerë, të cilët e respektojnë Fahriun, afër apo larg.

Veç tyre, në mandatin e shkuar ishin dhe zyrtarë të tjerë të LSI-së. Më tej ishte qeveria ?Meta-Berisha?, qeveria e ëndrrave të Fahriut, apo qeveria ?Berisha?, ku Fahriu përplasej me ministra për interesa të tij dhe skandalet plasen. Që nga Gërdeci, mbikalimi te Kthesa e Kamzës, By-pass Fier-Vlorë, rruga Levan-Tepelenë, e të tjera si këto, ku ishte përfshirë Fahri Balliu.

Këtu le të kujtojmë edhe disa tentativa të tij për të rrëmbyer disa koncesione të qeverisë së djeshme, apo të qeverisë sot.

E pra, sot shqiptarët turpësisht kanë përfunduar të qeverisen nga Fahri Balliu, apo bashkëpunëtorët e tij. Nuk i mjafton djali në parlament, i cili është skandali i radhës. Por na duhen edhe ministrat dhe qeveritë që ti shërbejnë Fahri Balliut. Këtij individi, sa kompleks dhe aq të pështirë.

Dhe sot Edi Rama duhet të jetë ?krenar?, sepse është gati për bashkëqeverisjen e tij. Bashkëqeverisja e tij me Lulzim Bashën ka si provë Fahri Balliun dhe marrëdhënien e tij me ministrat.

Në rast se marrëdhënia e Fahriu Balliut me ministrat nuk shkon, atëherë është e vështirë që të qëndrosh në koalicion dhe Rama këtë ?sukses? e ka arritur.

Mund të sigurojë qeverinë me Lulzim Bashën, pasi ka kaluar çdo lloj sprove me Fahri Balliun dhe këtë e kanë siguruar ministrat e tij. E ka kaluar ministri i Bujqësisë, e ka kaluar ministri i rëndësishëm i Transporteve dhe Energjitikës dhe shumë e shumë ministra të tjerë.

Tani nuk ka ngelur gjë tjetër vetëm shpallja e qeverisë ?Rama-Basha?, ku kumbari të jetë Fahri Balliu.

E ndërsa demokratët pritet të protestojnë të shtunën, Basha dhe Rama nëpërmjet Fahri Balliut duket se po përgatisin skenarin e radhës. Shqiptarët shkojnë të protestojnë kundër qeverisë që Lulzim Basha e quan qeveria e drogës dhe nga ana tjetër i shtrin dorën për përfitimet e tij, të familjes së tij, por edhe ?zagarëve? që i vijnë vërdallë.

Nuk ka më asnjë dyshim, qeveria në sprovë ?Rama-Balliu?, me ministrat që i shërbejnë babait shpirtëror të Lulzim Bashës është garancia për qeverinë e nesërme Rama-Basha.