web counter
LEXO PA REKLAMA!

SHKARKO APP

App Store
Google Play

E fundit!

x

Policia rrit shpenzimet për luks, zvogëlon ato për investime kapitale

18 Maj 2018, 17:04, Aktualitet CNA

Gjatë vitit 2017  Policia ka rritur shpenzimet për mallra luksi në 9 milionë e 167 mijë euro, ndërsa buxheti për investime kapitale  pothuajse ishte përgjysmuar duke u reduktuar në vlerën prej 7 milionë e 821 mijë eurosh.

Fjala është për Policinë e Kosovës për të cilën gazeta kosovare “Zeri” raporton se në draftraportin e Zyrës Kombëtare të Auditimit (ZKA) për Ministrinë e Punëve të Brendshme, thuhet se buxheti final për mallra dhe për shërbime ishte rritur për 9,167,224 euro në raport me atë fillestar.

Sipas ZKA-së, kjo rritje ishte rezultat i rishikimit buxhetor.

?Ky ndryshim kryesisht i përgjigjet vendimit të ministrit për lejim të pagesës së kontestit të humbur në Arbitrazh lidhur me dokumentet e udhëtimit?, thuhet në draftraportin e siguruar, shkruan më tutje “Zëri”.

Aty më tutje po ashtu thuhet se buxheti final për shpenzime komunale ishte reduktuar për 214,700 euro. Sipas ZKA-së, ky ndryshim ishte rezultat i rishikimit buxhetor ku mjete nga kjo kategori ishin bartur te kategoria e mallrave dhe e shërbimeve. 

Gjithnjë duke u bazuar në draftraportin e siguruar nga gazeta ?Zëri? thuhet se buxheti final për subvencione dhe për transferime ishte rritur për 2,338,294 euro në raport me atë fillestar, ndërkohë që rezultonin 6.6 milionë euro gjoba të paarkëtuara. Fjala është për gjobat e paarkëtuara të kundërvajtjeve në trafik, përkatësisht të gjitha tiketat e paarkëtuara deri në vlerën 60 euro, të cilat janë lëshuar përgjatë vitit 2017.

Më tutje në draftraportin e Auditorit thuhet se realizimi i buxhetit për investimet kapitale mbetet sfida kryesore me të cilën përballen MPB-ja dhe PK-ja.

?Edhe pse shpenzimi vjetor në raport me buxhetin final ishte 98%, nuk mund të themi se është tregues i performancës së mirë, nëse krahasohet me buxhetin fillestar shpenzimi ishte vetëm 50%”, thuhet, ndër të tjera në raportin i Auditimit.





Lajmet e fundit nga