Kush e baltosi Shqipërinë?/ Rama harron Veliaj dhe “Griseldën”

16 Maj 2018, 11:39, Aktualitet CNA

Kryeministri Edi Rama, është paraqitur i tensionuar sot në mbledhjen e grupit parlamentar të PS ?së.

Me pamjen e një njeriu-politikan që ia kanë tërhequr veshin Ramës gati sa nuk i është ndalur fryma duke sulmuar opozitën, mediat, prokurorinë dhe këdo që e ka kundërshtuar.

Duket se në Francë ia kanë futur këmbët në një këpucë, pas skandalit ?Xhafaj? që ka spërkatur dhe ndotur skenën politike.

Sulmi më mirë është mbrojtja. Këtë teori ka përdorur Rama, për të justifikuar skandalet dhe dështimet që pengojnë Shqipërinë të anëtarësohet në BE.

Ai ka sulmuar opozitën, pasi sipas tij po punojnë për të baltosur Shqipërinë, duke iu dhënë informacion ndërkombëtarëve për çështjen ?Xhafaj?.

?Dje pasdite radio SHQUP-i e ka shpërndarë me e-maile, materialin si breaking news në çdo adresë e-maili në Europë tek paralamentarët, ministritë e jashtme dhe qeveritarët. Një tjetër overdozë baltosëse për të mbajtur të motivuar deputetët për në Evropë që ti bien ndesh çeljes së negociatave me Shqipërinë?, ka thënë Rama.

Por kush e ka baltosur në të vërtetë Shqipërinë dhe kush e ka penguar integrimin e saj në BE?

Këtë gjë e bëri vetë Edi Rama para vitësh, me anë të mashës së tij Erion Veliaj.

E nxori ai, Erion Veliajn në 2011 për të shpërndarë ?dhunimin? e gruas së ish-kryebashkiakut të Kavajës në të gjitha kancelaritë evropiane.

Kujtojmë se ditën e parë të ngjarjes, kur dëshmia kundërthënëse e Griselda Roshit (Zaimit) ende nuk ishte verifikuar, Erion Veliaj u ka shkruar ambasadorëve të disa vende me ndikim në Shqipëri duke e portretizuar ngjarjen si politike ndërsa ka theksuar se Elvis Roshi ishte kërcënuar edhe gjatë fushatës elektorale.

Kjo është përgjigjja për kryeministrin Edi Rama, se kush po e nxin Shqipërinë tek ndërkombëtarët.

Më poshtë për t?i rikthyer kujtesën kryeministrit Rama CNA.al po sjell letrën që Veliaj ka shpërndarë ne kancelaritë evropianë.

?Një lajm i trishtuar na ka shokuar të gjithëve ne në PS. Natën e kaluar, gruaja shtatzënë e kryetarit të sapozgjedhur të Bashkisë së Kavajës, Elvis Roshi, u rrëmbye në një qendër tregtare në Tiranë. Pasi është keqtrajtuar barbarisht nga rrëmbyesit, ajo është dërguar në një vend të panjohur, ku i kanë hequr fëmijën. Në orën 4 të mëngjesit, e mbuluar nga gjaku, znj. Roshi është lënë afër shtëpisë së saj në Kavajë (50 kilometra larg kryeqyteti). Nuk ka ende ndonjë njoftim nga policia. Kavaja ka qenë zona elektorale ku është zgjedhur Berisha deputet për 20 vjet. Socialistët fituan në Kavajë për herë të parë më 8 maj, dhe kjo është konsideruar si fitorja më simbolike e zgjedhjeve. Gjatë fushatës elektorale, z.Roshi dhe shtabi i tij kanë marrë kërcënime për shkak të garimit të tij për postin e kreut të Bashkisë. Kreu i PS, Edi Rama, do të lëshojë një deklaratë shtypi pas një ore??Duke pasur parasysh rrethanat shumë të rënda të situatës në Kavajë, ky njoftim do të jetë i shkurtër dhe më tepër informacion politik do t?ju japim nesër?, ka shkruar Veliaj në vitin 2011./CNA.al