web counter
LEXO PA REKLAMA!

SHKARKO APP

App Store
Google Play

Ç’ndodhi në botë për 1 prill, nga Wrestlemania deri në Pornhub

2 Prill 2018, 10:53, Lifestyle CNA

E vetmja shaka një prilli në Shqipëri që pati pak impakt ishte thashethemi i rremë se Agron Llakaj u nda nga jeta. E nisën dhe e përfunduan faqet më popullore (dhe jo popullore) të meme-ve në vend. S?ishte as për të qeshur dhe as i besueshëm, kështu që kthejmë sytë nga bota.

Si fillim, qarkulloi një artikull që shkruante se Facebook i lejon përdoruesit të shihnin kush u kishte parë profilin. Ç?ëndërr që ishte. Absolutisht e pavërtetë.

Pastaj u tha se Disney bleu WWE, madje konfirmuar nga Vince McMahon, ekzekutiv i kompanisë së mundjes. Imagjinoni Wrestlemania + Disney = Argëtim për gjithë familjen. Gjithashtu e pavërtetë.

Këta fëmijë iu futën me kokë kërkimit të vezëve të Pashkës për ca orë të mira. Të rriturit, sigurisht i panë dhe qeshën, sepse në atë oborr s?kishte një vezë të vetme.

Pornhub u shndërrua në Hornhub për pak kohë, një faqe për gjithë të apasionuarit e brirëve dhe trumpetave. Shumë origjinale.

Tamizi u pushtua nga një përbindësh monstruoz, hipotetikisht. Serioziteti me të cilin flet gazetari e bën 100% të besueshme, ama.

Kjo qendër kursesh online ofroi dje një diplomë mbi mbijetesën e njeriut. E keni parasysh, për të na përgatitur për ditën kur robotët të pushtojnë tokën dhe civilizimi të marrë fund. Kushon 6.5 bitcoin ose 12 patate të mëdha pa njolla. Ofrohen lëndë si strehimi dhe gjetja e ushqimit. Kjo është një ide fantastike që s?duhet të mbetet shaka 1 prilli.

Jägermeister nxorri në treg një krem qetësues për dhimbjet muskulare të quajtur Jäger Balm. Përveçse nuk e nxorri dhe thjesht u tall me ne.

Një firmë marrëdhëniesh me publikun e quajtur Allison+Partners publikoi këtë video për të na bindur se fëmijët, qentë dhe foshnjet e palindura janë grupi i ri i blogerëve në treg.

Netflix bleu Seth Rogen, aktorin. Jo të drejtat e aktorit, por të gjithin si njeri. ?Seth Rogen i përket Netflix, me mendje, trup dhe shpirt,? shkruhej në faqen kryesore./CNA





Lajmet e fundit nga