“Turp të kesh o Samir Mane”/ Profesori shpërthen keq kundër analistëve

3 Mars 2018, 14:45, Aktualitet CNA

Pedagogu Ermal Telha ka reaguar në lidhje me debatin e dy ditëve më parë në emisionin e moderatorit Ylli Rakipi, ku ishte i ftuar edhe biznesmeni i fuqishëm Samir Mane.

Pedagogu Ermal Telha ka shpërthyer kundër analistëve, ndërsa me nota ironie thotë se biznesmenit Samir Mane ?duhet t?i vijë turp?.

Sipas pedagogut të ri, Manes po i bëhej një ?gjyq? mbështetur në muhabete tavolinash në një kohë që një nga njerëzit më të pasur në Shqipëri, pikërisht Samir Mane ka punësuar mijëra njerëz dhe çdo vit paguan 40 milion euro taksa.

Në shkrimin e tij, Ermal Telha ka listuar një nga një të gjitha ato cfarë ka bërë biznesmeni I fuqishëm, Samir Mane.

?Turp të kesh o Samir Mane!

Po shoh që po i bëhet gjyq Samir Manes duke u mbështetur në muhabete tavolinash, duke i dhënë madje edhe leksione biznesi njeriut më të pasur në Shqipëri!

Turp duhet të të vijë Samir Mane!

Turp që ke punësuar në kompanitë e tua mbi 3000 vetë konform të gjitha rregullave dhe ligjeve në fuqi!

Turp të të vijë që nuk ngele çdo ditë e natë nëpër studio televizive por rri nëpër kantiere dhe e harxhon kohën duke bërë plane biznesi!

Turp të të vijë që paguan 40 milion euro taksa në vit në buxhetin e shtetit që komuniteti të ketë më shumë infrastrukturë dhe shërbime cilësore!

Turp të kesh që ke riskuar në ndërtimin e qendrave tregëtare ku pjesa më e madhe e kryeqytetasve kalojnë kohë duke u argëtuar e duke kryer blerjet e nevojshme!

Turp të të vijë që i jep konsumatorëve kuponin tatimor pas çdo blerjeje!

Turp të të vijë që nuk merresh me kanabis!

Turp të të vijë që ke ndërtuar komplekse elitare vilash e jo shtëpi me qerpiç!

Turp të të vijë që nuk ndërtove kazino por ndërtove supermarkete moderne kur në Shqipëri blihej e shitej ne kushte mizerabël nëpër tezga!

Turp të të vijë që fute një kulturë tjetër të të bërit biznes në vendin tonë!

Turp të të vijë që i dhurove 12 milion leke libra asaj shkollës në Lezhë!

Turp të të vijë edhe që i ndërtove shtëpinë asaj familjes në vuajtje ekstreme, sepse sipas gjithologjisë e bëre për reklamë!

Turp, shumë turp të të vijë që je i pasur, edhe pse s’ja morre askujt pasurinë por e bëre vetë më guxim e vizion!

S?po e zgjas më tej listën e ?turpit?, ke kusure të mëdha mbi shpatulla!

Sa për sqarim, me Samir Manen nuk njihem personalisht, nuk jam takuar asnjëherë. Jemi korcarë dhe jo vetëm për të, por për çdo korcar që sot qëndron në majat e biznesit në Shqipëri, mua më bëhet zemra mal!? shkruan Telha.