E fundit!

12:59 Politikë

“Nuk duhet të jem aty”/ Berisha: Prania ime dëmton fibrën më të fuqishme të protestës

Kryetari i Partisë Demokratike, Sali Berisha, ka deklaruar...

“Të na rrojë gazetari dhe qytetari dixhital”/ Mustafa Nano replikon me Bushatin, shpërthen kundër Berishës

2 Mars 2018, 12:50, Politikë CNA

Mustafa Nano ka replikuar me Andi Bushatin, pasi ky i fundit në një shkrim të tij kritikonte ata gazetarë që pas shpërthimit të Berishës në News 24, u bënin apel kolegëve që të mos publikonin më çaprashitjet e ish-presidentit e ish-kryeministrit, sidomos ato që bartin akuza e denoncime të paverifikuara e të paverifikueshme, mbi të gjitha shpifje.

Në një opinion të botuar në ?MAPO?, Mustafa Nano nuk ka lënë mënjeanë edhe të ashtuquajturin ?qytetari dixhital? të ish-kryeministrit Berisha.

Sipas Mustafa Nanos, letrat anonimi nga i ashtuquajturi ?qytetari dixhital? të cilat i vinë Berishës dhe që rëndom merren nga mediat si lajme, me çdo kriter gazetaresk, ato letra janë hedhurina pa vlerë.

Ai shkon edhe më tej, ndërsa shprehet ?Dhe as që ka kuptim t?i hyhet diskutimit, nëse ka, a nuk ka, ndonjë gjë të vërtetë në to, ashtu si nuk ka kuptim të nënvizosh rëndësinë e ndonjë të vërtete që del nga goja e një shpifësi. Shpifësin duhet denoncojmë si shpifës, e jo t?i veçojmë ndonjë të vërtetë që ai nxjerr nga goja.?

Ndër të tjera, Nano thekson se qytetari dixhital, është një gjetje e ndyrë, e përbuzshme, e frikshme, shkurt një Frankeinstein i gazetarisë.

?Edhe sikur koha të provojë se 99% e qytetarëve dixhitalë thonë të vërteta, kjo nuk është alibi për gazetarët. Këta të fundit nuk mund të publikojnë gjëra me bindjen se ?hajt se do të provohen prej kohës?. Gazetaria nuk është ?me shti fall?.

Sipas Mustafa Nanos, kjo praktika e qytetarit dixhital ka edhe një të keqe të madhe, që nuk ka të bëjë më me gazetarinë. ?Me këtë mbillet kultura e mosbesimit, injorimit e përçmimit të institucioneve. Me këtë u thuhet njerëzve fare hapur: ?Hej, drejtojuni Berishës për të gjitha gjërat, sepse vetëm ai e hap gojën në këtë vend?. Kështu ndodh që një prokuror, një gjyqtar, një shik-as, një mësues etj., nën emra të rremë virtualë, parapëlqejnë Berishën para institucioneve, dhe me këtë i bëjnë një atentat funksionimit institucional të shtetit.?- shkruan Nano.

Ai thekson se jemi ende në rrethanat që prokurorin e gjyqtarin mund ta bëjë kush të dojë.

?E nëse reforma dështon, mund ta bëjnë gjithë jetën këtë punë. Të na rrojë qytetari e gazetari dixhital, atëherë.?- përfundon Mustafa Nano.