E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Trafikimi i Qënieve Njerëzore”/ Botohet libri i Dr. Naim Totës

1 Mars 2018, 12:14, Kulturë CNA

Dr. Naim Tota ka botuar librin e tij ?Trafikimi i Qënieve Njerëzore?, në të cilin trajton aspekte juridike, krahasuese dhe kriminologjike.

Prof. Dr. Skëndër Kaçupi thotë se libri i Naim Totës është një studim i cili duhet të konsiderohet si një kontribut i vërtetë i doktrinës shqiptare.

Autori ka dashur të sjellë në këtë monografi trafikimin e qënieve njerëzore si dukuri kriminale dhe si vepër penale, duke e analizuar në disa këndvështrime, si nga pikëpamja e analizës juridiko-penale, ashtu edhe nga pikëpamja kriminologjike.

Me shumë korrektësi, autori e ka trajtuar nga pikëpamja shkencore lindjen dhe zhvillimin e fenomenit të qënieve njerëzore në rrafshin kombëtar dhe atë ndërkombëtar.

Analiza ka filluar që nga traktatet në nivel ndërkombëtarpër krimin e organizuar, trafikimin e qënieve njerëzore dhe kalimin kontrabandë të migruesve.

Interpretimi juridik i përgjithshëm i veprës penale të trafikimit dhe praktikës gjyqësore të saj janë bërë me seriozitet dhe përkushtim.

Këtu janë analizuar konkretisht elementët e anës objektive të veprës, çështja e dhënies së pëlqimit nga viktima si element i anës objektive, procesi i të provuarit në veprën penale të trafikimit.

Një vëmendje e veçantë u është kushtuar figurave specifike të veprës penale të trafikimit, si trafikimi I qënieve njerëzore në përgjithësi, si preferencë e krimit të organizuar dhe trafikimi I njerëzve si pjesë e krimit të organizuar ndërkombëtar, duke e ndarë atë nga analiza e trafikimit të femrave dhe fëmijëve.

Kush është Naim Tota:

Dr. Naim Tota ka lindur me 10 qershor 1967 në Kukës. Në vitin 1994 ka përfunduar Fakultetin e Drejtësisë të Universitetit të Tiranës. Pas diplomimit është titulluar prokuror duke punuar në disa rrethe të Shqipërisë dhe kryesisht në Tiranë.

Studimet pasuniversitare në drejtimin juridiko-penal të Fakultetit Juridik të Universitetit të Prishtinës i përfundoi me rezultate të larta, duke mbrojtur me sukses të dalluar ?punimin e magjistraturës në vitin 2007 dhe duke fituar gradën shkencore ?Magjistër i shkencave juridike?.

Disertacionin e doktoraturës e mbrojti me vlerësimin ?shumë mirë? në Fakultetin Juridik të Universitetin Europian të Tiranës me datë 15 korrik 2015 me temë ?Trafikimi i qënieve njerëzore në Republikën e Shqipërisë në periudhën 2001-2014- Trajtim në këndvështrimin juridiko-penal, krahasues dhe kriminologjik të fenomenit.?

Ka kryer disa kurse kualifikimi brenda dhe jashtë vendit si dhe është autor i disa artikujve shkencorë në fushën penale./ CNA.al