Zhvendosja e Teatrit Kombëtar, flet Ndriçim Xhepa/ "Artistët të mos largohen pa u rrafshuar godina"

14 Shkurt 2018, 11:53, Kulturë CNA

Zhvendosja e Teatrit Kombëtar dhe projektligji për Artin dhe Kulturën, prej disa ditësh kanë ?zgjuar? reagimin e artistëve.

Të shumtë kanë qenë aktorët dhe artitët që kanë ngritur zërin kundër këtyre vendimeve të ndërmarra nga Ministria e Kulturës, pasi kjo e fundit, nuk ka denjuar të konsultohet me ta, para se të vendoste për ?fatin? e tyre.

Në një intervistë për gazetën ?Panorama?, aktori Ndriçim Xhepa ka dhënë mendimin e tij në lidhje me zhvendosjen e trupës së Teatrit Kombëtar pranë qendrës së re kulturore ?Turbina?, por edhe për atë çka duhet bërë me godinën ekzistuese.

Xhepa është shprehur kundër largimit të trupës nga godina eksiztuese, deri në momentin ku projekti i ndërtimit të teatrit të ri të marrë udhë e të jetë në fazën finale.

Sipas tij Shqipëria ka nevojë për një teatër të ri, në vendin ku sot ngrihen dy teatrot ai Kombëtar dhe ai eksperimental.

?Teatri Kombëtar, ai ekzistues, i ndërtuar nga italianët për një periudhë 20-25-vjeçare, i ka rezistuar kohës 75 vite, nuk besoj se do të kishte problem nëse do të qëndronte edhe 2-3 vjet, derisa kjo fazë e parë të ezaurohej. Në momentin që gjithçka është gati për fillimin e punimeve, atëherë do ta shihja të arsyeshme që trupa e teatrit, përkohësisht, vetëm përgjatë fazës ndërtuese të teatrit, të shkojë te ?Turbina?, ka thënë aktori i njohur.

Xhepa është për ruajtjen e vlerave dhe traditës së Teatrit Kombëtar.

?Duke pasur parasysh kondicionet në të cilat është ndërtuar kjo ndërtesë nga italianët, vitet, që kanë kaluar mbi afatin e ekzistencës së saj, pra, trefishi i kohës, duhet prishur dhe duhet të ngrihet një godinë e re. Dhe vlerat e traditës së këtij institucioni për më shumë se 70 vjet, duhet të ruhen me fanatizëm nëpër arkiva të një teatri serioz sepse kam përshtypjen se nuk jemi aq të respektueshëm dhe dinjitozë në ruajtjen e vlerave të gjeneratave të kaluara, ashtu si ndodh në çdo institucion dinjitoz europian. Janë këto disa probleme, që unë i konstatoj prej shumë vitesh në institucionin ku punoj prej 37 vitesh?, është shprehur më tej ai.