web counter
LEXO PA REKLAMA!

SHKARKO APP

App Store
Google Play

E fundit!

x

Krimi dhe korrupsioni në Shqipëri i siguron çiftit korçar azil në Francë

25 Shkurt 2018, 20:22, Kronika CNA

Media franceze ?Republicain Lorrain? trajton hollësisht fatin e një cifti azilkërkuesish shqiptarë nga Korca, aktualisht rezidentë në qytetin e Folschviller-it: Vjollcës dhe Kristaqit. Cifti korcar arriti të fitojë azilin në Francë, sepse ata nuk kërkuan azil ekonomik, por azil për arësye sigurie. Ata e bindën gjykatën franceze se në Shqipëri u rrezikohej jeta si Vjollcës ish  specialiste në Ndërmarrjen e ujësjellës kanalizimeve Korcë ashtu edhe të shoqit Kristaqit.

Gjykatësit francezë u besuan fjalëve, dëshmive dhe provave të ciftit korcar, që për shkak të mungesës së rendit publik në Shqipëri si edhe korrupsionit të gjyqësorit shqiptar, cifti ishte bërë 2 herë objekt sulmesh fizike me mjete të forta dhe breshëri Kallashnikovi dhe u rrezikohej jeta në Shqipëri. Fitorja me rrugë gjyqësore e azilit nga cifti korcar tregon se, pavarësisht nga siguritë që dyshja Rama & Bushati i dha ministrit të brendshëm francez Collomb për Shqipërinë vend i sigurtë, për gjykatën franceze Shqipëria mbetet vend me kriminalitet të lartë dhe gjyqësor shumë të korruptuar.

Ky vendim gjykate do shërbejë si precedent edhe për disa qindra azilkërkues shqiptarë, që janë në proces gjyqësor për të siguruar statusin e azilantit në Francë. Për këta shqiptarë, për aq kohë sa në Shqipëri rendi publik do jetë copë copë dhe gjyqësore tepër i korruptuar, ka shpresa të forta që me vendim gjykate të sigurojnë azilin në Francë. /Gjergj Thanasi /CNA.al





Lajmet e fundit nga