E fundit!

07:49 Ekonomi

Kursi i këmbimit valutor/ Dollari dhe euro "të ngrirë"

Sot, në tregun e këmbimit valutor, një dollar amerikan bli...

Marrëveshja me Greqinë/ Ish-ministri i Ramës merr në mbrojtje Metën

18 Shkurt 2018, 12:01, Politikë CNA

Ish ministri i Drejtësisë Ylli Manjani, ka reaguar në lidhje me plotfuqishmërinë që Qeveria kërkon tek Presidenti për marrëveshjen e ujrave me Greqinë.

?Që këta nuk pyesin për Kushtetutë e ligje, kjo u pa! Por, pse bëjnë teatër kot? Ta zbardhin atë marrëveshje, ta kalojnë në qeveri dhe kuvendin e tyre mono-partiak, siç kalojnë koncensionet dhe kaq.

Në këto kushte, Presidenti i Republikës nuk duhet të bëhet pjesë e kësaj poshtërsie shtetërore. Le të thotë çfarë të dojë propaganda e fëlliqur e qeverisë moniste?, ka shkruar Manjani në rrjetet sociale.

Postimi i plotë:

Sipas qeverisë Greke marrëveshja e detit paska mbaruar.

Ne nuk dimë asgjë!

Po pse kërkon plotfuqishmëri qeveria tek Presidenti?! Ajo paska mbaruar punë!!!

Ka mbaruar një punë, një dreq e di se si! Ka mbaruar punë në kundërshtim të plotë me vendimin e Gjykatës Kushtetuese që vetë e kërkoi kur ishte në opozitë!

Gjykata Kushtetuese mandaton Presidentin e Republikës të drejtojë negociatat dhe jo Ministrin e Jashtëm! As Kryeministrin!

Duhet të kishin marrë një mandat nga Presidenti që të negocionin! Kështu thotë Gjykata Kushtetuese. Por nuk e kanë bërë!!!

Presidenti i Republikës është vënë në dijeni vetëm para pak ditësh, fare thatë me një letër që nuk thotë asgjë! Nuk propozon as emrat e negociatorëve madje!!!

Që këta nuk pyesin për Kushtetutë e ligje, kjo u pa! Por pse bëjnë teatër kot!

Ta zbardhin atë marrëveshje, ta kalojnë në qeverinë dhe kuvendin e tyre mono-partiak, siç kalojnë koncensionet dhe kaq!

Në këto kushte, Presidenti i Republikës nuk duhet të bëhet pjesë e kësaj poshtërsie shtetërore!

Le të thotë çfarë të dojë propaganda e fëlliqur e qeverisë moniste!

Këto janë marrëveshje që duhen denoncuar dhe jo miratuar e ratifikuar!

Mirë është ta dinë edhe Grekët se deri më tani kanë biseduar me autoritetet të pa mandatuara! Kanë biseduar me zyrtarë që kanë shkelur Kushtetutën e vendit të tyre!

Ndaj ai produkt e ka vlerën ligjore 0!/CNA.al