web counter
LEXO PA REKLAMA!

SHKARKO APP

App Store
Google Play

Kërkesa për shkarkimin e rektorit/ Deklarata e fortë e Gjekmarkaj: Dekanët u detyruan nga Rama

17 Shkurt 2018, 16:30, Aktualitet CNA

Vijon të mbetet temë e debateve politike dhe jo vetëm çështja e Universitetit të Tiranës dhe kërkesa e katër dekanëve për shkarkimin e rektorit Mynyr Koni.

Pedagogu Agron Gjekmarkaj, në një intervistë për gazeten ?Shekulli? shprehet se dekanët u detyruan nga kryeministri Rama që të dalin në konferencë për shtyp dhe të kërkojnë shkarkimin e rektorit. ?Ata u pyeten nga kryeministri në Show-n që u bë në sallën e kryeministrisë, një gjë e pazakontë në vetvete, se a ishin ata që kanë depozituar një kërkese për shkarkimin e Rektorit Koni dhe njëherësh tunden kokën, aq sa gati ju doli qafa nga vendi prej hazerllekut. Nëse do kishte respekt kryeministri për institucionet universitare do të shkonte në universitet dhe jo t?i ftonte në shtëpinë e vet në pallatin e qeverisë. Pas kësaj pyetje ata u ndjenë të detyruar të dalin në konferencë për shtyp.?- deklaroi Gjekmarkaj.

Sipas tij, deklarata që bënë katër dekanët ishte pjesë e një skenari paraprak.

?Dhori Kule tha: ?E kam mbështetur unë Mynyr Konin që të zgjidhet dhe pastaj shprehu zhgënjim varg e vistër?çka do të thotë se ky zotëri pasi e ka sunduar Universitetin për 8 vjet haptas do edhe tetë vite të tjera ta sundojë me emrin e dikujt tjetër. Me gjasë Koni s?e ka lejuar dhe këtu ka ndodhur thyerja?, u shpreh ndër të tjera Gjekmarkaj./ CNA.al





Lajmet e fundit nga