Çfarë kërkon Tanjug-u në përvjetorin e rrëzimit të bustit të Dullës?!

17 Shkurt 2018, 10:05, Aktualitet CNA

Me rastin e 27 vjetorit të rrëzimit të monumenteve të Diktatorit në Shqipëri në Hotel Rogner do të mbahet një Konferencë me titullin ?Ju flet radio?.?. Konferenca organizohet nga OJF-ja ?Fondacioni Konrad Adenauer? në bashkëpunim me Institutin e studimeve të krimeve dhe pasojave të komunizmit.

Në këtë eveniment na tërhoqi vëmendjen edhe lista e pjesëmarrësve. Në të ndesh personazhe të tilla si Elez Biberaj, i cili si gazetar i Zërit të Amerikës ka një kontribut të rëndësishëm në zgjimin nga gjumi të ?kafshëve? shqiptare sic na etiketonte në atë kohë e bija e diktatorit të vdekur. Ndesh edhe personazhe si gazetari Gustincich prezent në Shqipëri në kohën, kur u rrëzuan bustet dhe monumentet e Dullës.

Pjesëmarrës janë edhe studiues shqiptarë si Kapri dhe Dervishi me një kontribut të spikatur në shkundjen e pluhurit të arkivave të shumë dokumentave, që hedhin dritë mbi ?turinjtë? e përgjakur të bishës komuniste në Shqipëri. Ndër të ftuarit në konferencë është edhe zj. Nevena Marcic kryeredaktore e Agjensisë serbe të lajmeve TANJUG! Nuk kuptoj pse duhet të jenë prezent detyrimisht një apo më shumë serbë edhe, kur përkujtohjet rrëzmi i busteve të Dullës, udhëheqësit tonë legjendar!?!?!?! Besoj se shqiptarëve u del e u tepron prezenca e serbëve, e Dushanërve e Miladinëve në themelimin e PKSH, burimit të krimeve e terrorit për thuajse gjysëm shekulli.

Shqiptarëve madje edhe një pjesë të shqiptarëve komunistë prezenca e serbëve si Velimir Stojnicëve, Nijaz Dizdarevicëve & Co u kujton vec vrasje të hapta e të maskuara si vetëvrasje, hajdutëri, pervesitete seksuale,krim e tortura. Pikërisht për këtë ngarkesë historike mund të na kursehej pjesëmarrja e një gazetare serbe në një eveniment të tillë përkujtimor. Fundi i fundit ne boll i kemi tre shqipfolës këtej dhe andej kufirit të Shqipërisë londineze si këshilltarë zyrtarë të ?kryerilindasit? dhe kryeministrit Edvin, kështu që ?gjella? e tranzicionit shqiptar do edhe ?kripë? serbe, por me karar ama. Jo më kot latinët shpreheshin: Est modus in rebus! Vetë zonja Marcic ka një kontribut jo të vogël anti shqiptar (këtej dhe andej Morinë-Vërmicës), qoftë si drejtoreshë TANJUG-u, qoftë si ?novinarkë? te radioja serbe thellësisht anti shqiptare ?B 92?! Fatkeqësisht ne shqiptarët e ngratë e kemi ves që t?i përlyejmë me pakëz ?marmalatë fiku? madje edhe datat përkujtimore për të cilat duhet të krenohemi! /Gjergj Thanasi /CNA.al