E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

HEC-et në Kukës: Rama bën realitet planet e Berishës

16 Shkurt 2018, 21:35, Aktualitet CNA

Nga Azem PARLLAKU

– Në seancën e fundit plenare në Parlamentin e Shqipërisë, mes shumë replikash mes Qeverisë dhe Opozitës jo pak vëmendje tërhoqën problematikat aktuale si ai i ndërtimit të kullave në Tiranë, Shembja për t?u rindërtuar e Teatrit Kombëtar dhe anulimi i HEC-eve në Kanionin e Osumit.

Një ndër batutat kryesore të replikave ishte ajo e Kryeministrit Rama i cili u shpreh se Qeveria aktuale po bën realitet planet e ëndërruara nga Qeveria Berisha.

Në fakt përveç rastit të shumëpërfolur të Osumit, për të cilin Qeveria reagoi, duke devijuar paksa nga fraza e të bërit të ëndrrave te Opozitës realitet, për gjithçka tjetër, kjo Qeveri është duke ndjekur padyshim të njëjtën linjë me atë paraardhëse.

Babëzia dhe Barbarizmi ndaj natyrës dhe sidomos ndaj lumenjve e pyjeve e nisur që në Qeverinë Berisha, edhe pse ka qenë një premtim i Qeverisë Rama 1, jo vetëm që nuk është ndalur por po finalizohet me sukses pasi në çdo mbledhje të KKT-së po miratohen njëri pas tjetrit ndërtimi i HEC-eve të vegjël në çdo përrua të ngelur ende pa HEC-e. Nën efektin e pseudo-reflektimit qeveritar për anulimin e HEC-eve të Osumit në fakt po tentohet të shpërqendrohet vëmendja e publikut pikërisht ndaj kësj babëzie që vazhdon të jetë ulur këmbëkryq sidomos në Zonat e Mbrojtura.

Rasti më i fundit bën fjalë për lejimin e ndërtimit të 5 HEC-eve në Zonën e Mbrojtur ?Korab-Koritnik? në lumin e Rekës, Kukës.

Sikur të mos mjaftonte shpopullimi i përmasave të një eksodi biblik i fshatrave Novosej, Shishtavec etj. për shkak të mungesës së një strategjie zhvillimi, ai pak komunitet i mbetur do të duhet të përballet edhe me mungesën ujit pas ndërtimit të këtyre HEC-eve dhe sidomos me shkatërrimin përfundimtar të mundësisë për një zhvillim ekonomik përmes turizmit në zonë.

Lejet e miratuara nga KKT tregojnë edhe njëherë se babëzia dhe barbaria jo vetëm që nuk është ndalur e penalizuar, përkundrazi në çdo rast stimulohet duke përshfaqur praktikat më të këqija sesi mund të menaxhohen të mirat publike natyrore për përfitimin e një rrethi shumë të ngushtë njerëzish.