web counter
LEXO PA REKLAMA!

SHKARKO APP

App Store
Google Play

E fundit!

x

Ish-kongresmeni amerikan rikthen vëmendjen tek shqiptarët e Maqedonisë/ Marrëveshja e Ohrit ka dështuar, por...

28 Janar 2018, 17:25, Aktualitet CNA

Ish-kongresmeni amerikan njëherësh kryetar i Lidhjes Shqiptaro-Amerikane, Joe DioGuardi, ka rikthyer vëmendjen e tij tek shqiptarët e Maqedonisë. Ai është shprehur për mediat se i qëndronte deklaratës së bërë për agjencinë “INA” kohë më parë, se shqiptarët duhet të jenë të barabartë në Maqedoni.

Ish-kongresmeni amerikan, aleat i fuqishëm i administratës së aktuale, u shpreh se SHBA-të do të ndjekim me vëmendje zhvillimet në Maqedoni, ndërsa shtoi se shqiptarët nuk kanë arritur të realizojnë të drejtat e tyre, përkundër faktit se i takojnë.

?Unë theksova qëndrimet e mija dhe pikat e parashtruara se shqiptarët në Maqedoni nuk janë mirë dhe se ata duhet të trajtohen si partner të barabartë dhe kjo të arrihet përmes hartimit të një kushtetute të re. Në rast se nuk do të ndodhin këto ndryshime, ne duhet të ndeshemi me opsionin e federalizmit, i cili do t?u lejonte shqiptarëve të kenë kontroll administrativ, social, dhe financiar të fatit të tyre si pjesë e një federate maqedonase të përbërë nga shqiptarët etnik dhe maqedonasit?, ka deklaruar për ?INA?, ish-kongresmeni DioGuardi.

Ai ka komentuar edhe marrëveshjen e Ohrit për të cilën është shprehur se ajo ka dështuar për faqe të zezë.

DioGuardi premtoi se do të vazhdojë të alarmojë dhe sqaroj diskriminimin apo siç e quan ai ?aparteidin? kundër 800 mijë shqiptarëve në Maqedoni nga ?palët kontrolluese politike sllave të ndihmuara nga bashkëpunëtorët e tyre politik shqiptarë të korruptuar?. /CNA.al





Lajmet e fundit nga