E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Aba Business Center sjell music hall fusion, artistë të ndryshëm nga e gjithë bota

27 Janar 2018, 12:49, Aktualitet CNA

Metropoli i shqiptarëve, qyteti i cili ndryshon çdo ditë në infrastrukturë, e më rrallë në mentalitet, do të ketë në zemër të Tiranës, në Fusion prane ABA Business Center, ?Music hall-in? e tij, aty ku shërbimi dhe konsumi janë në funksion të një shfaqeje artistike dhe jo siç zakonisht ndodh e kundërta.

Publiku i kryeqyetit më në fund do ketë mundësinë për të zgjedhur një shfaqje artistike, muzikore, sipas zhanrit që i pëlqen, jazz, rock, blues, pop, prej grupeve e instrumentistëve të njohur të Europës e më gjerë, pa qenë e nevojshme që shfaqjen artistike ta mbështesë në faturat e banaqeve të klubeve të Tiranës.

Motorët janë ndezur, drita jeshile gjithashtu, dhe pritet që në mbrëmjet e 2 dhe 3 shkurtit, rreth orës 20.30 të mbrëmjes, për publikun të luajë OCEANA, këngëtarja gjermane e rrymave soul, pop, R&B, reggae e dance pop, me një karrierë që nisi që në adoleshencën e saj në vitin 1997. Pas perforncës në rolin e Aidës, në musical-in ?Aida? të Tom Rice e Elton John, ishte edhe vokalistja kryesore në versionin musical të ?Dirty Dancing?. Prej 2008-ës, udhëhoqi veten si këngëtare dhe kompozitore, duke nisur me hitin ?Cry cry?, pjesë e albumit të parë ?Love supply?, e cila qëndroi për disa javë në krye të klasifikimeve europiane, ç?ka i dhanë mundësinë pë t?u bërë pjesë e show-ve të mëdhenj të gjigandëve mediatikë në mbarë Europën. U zgjodh nga UEFA, për të ndjekur Nelly Furtadon-n në vitin 2004 dhe Enrique Iglesian në 2008-ën, në ceremoninë e çeljes së eventit më të rëndësishëm futbollistik të Europës.

Tirana e pret në mbrëmjet e fillimin shkurtit, në datat 2 dhe 3 sëbashku me bandën ?Texas Flood??, një tribute-band i Steve Ray Vaughen, nga albumi i parë i të cilit, kanë marrë edhe emrin.

Këto mbërmje do të jenë dhe çelja e një kalendari të konfirmuar tashmë, ku çdo javë, në dy mbrëmje të secilës javë, do të performojnë live në ?Music Hall- by Fusion?, grupe dhe artistë si: Sidney Ellis apo ANIMALS.. Nuk është më: ?There is a house in New Orleans??, por ?There is a house in Tirana?.?, një shtëpi e re e muzikës live, e cila do të mirëpresë çdo javë identitete artistike të mirë vendosur në tregun e muzikës dhe gjininë e show-ve live.