GISHTI I MESIT

9 Janar 2018, 18:58, Aktualitet CNA

Nga ZEF ZEFI

Nuk është iluzion optik as paradoks, ta përfytyrosh tregjethëshin ose gjethin e pesë a gjashtë gishtave si matrikulla e re në ballinën e Shqipërisë.
Socializmi shqiptar ka bërë përherë mrekullira të paimagjinueshme, me ngratësinë e shqiptarve.
Ja psh në vend të yllit të Moskës së 50 vjetëve të cilin e rrëzoi Saliu, mund të vihet gjethja me gishta e socializmit të rilindur.
Probleme me Kushtetuten e Republikës, nenin 14, pika dy dhe tre? Flamuj, stema a shqyte? ?No problem? Ku është problemi këtu? Kemi hyrë apo s?kemi hyrë në vitin e ?Skenderbeut të Spiropalit?
Mjafton që njeriu i ri-lindur i socializmit të rilindur të fillojë ta përfytyrojë mrekullinë dhe ajo mbërrin.
Le të lehin ata… të opozitës. Punë e madhe fort. A nuk e çamë me yll Moske 50 vjet. A nuk e çamë 5 vjet me gjeth Kolumbie pa thumb në?, këmbë?
Tani e tutje me gjeth do ta çajmë atë, dmth historinë…
Kaq prologu. Rilind ose plas!

Mirëpo historia, kjo kuçkë me vickla, jo gjithmonë i bindet prologut.

Mbasi më 2016 plasi super eksporti i drogës, mjaft institucione të sigurisë të shteteve fqinje dhe europiane, i zgjuan nga gjumi i droguar Ambasadorët dhe qeveritë e tyre .
Prej aty ?rilindja mori ?bamp??, një shkelm bythëve, dhe nga tronditja shumë prej ?gishtave? të gjethit duke qënë edhe i pjekur e i thatë, u shkundën.
?Aksidentalisht? ra Ministri i Brendshëm. Gisht i rëndësishëm ky. Ra, po ra me fletë-falenderimi, siç bien trimat. Menjëherë armiqtë u sulen ta ?digjnin?? Mirëpo, hë-hë! Ka Kryeministër këtu. Edhe pse zjarrfikëset nuk punonin, Kryeministri e lagu vetë. Ashtu me mjete rrethanore siç e bëjnë burrat.
Disa media edhe e kanë fotografuar pak të lagur kryeministrin… Po ama ish ministrin e kanë fotografuar të qullur si miush madje duke qarë; Po punë ?kazanësh? dhe kjo.
Lajmi i mirë që dihet është se ish Ministri i drogifikimit të Shqipërisë nuk u dogj. Lajmi i keq është se u lag? e ashtu i lagur nuk u kualifikua dot në ?rilindjen2?

Pardje një zot e di nga ia behu një tjetër shkelm trumhazës mbi të ndenjurat e ?rilindjes2?.
Dhe si një puc, (fik pjekur ose polic droguar) ra Drejtori i Përgjithshëm i drogifikimit të Shtetit.
Nuk tha kush se ra me heroizëm si Tahiri, po nga ?rilindja? askush s?mund bjerë pa fletëlavdërimi.
Procedura e ?djegies? sidoqoftë nuk ka filluar.
Do e djegin apo do rjepin, askush s?hap gojë. Po Kryeministri është gjithmonë aty në këmbë. E lag a nuk e lag ?si burrat, e di vetëm ay.

Që ti rrimë iluzionit të prologut, dmth të matrikullës, në ballinën e Shqipërisë, yllit, Kushtetutës nenit 14 pika dy e tre (falmë Kushtetutë për profanimin) pra historisë së gjethit, ky i fundit ka mbetur me një gisht. Atë më të gjatin dmth atë të mesit.
Dhe endemi verdallë me të në ballë.
Dhe bota me ne qeshet.