web counter
LEXO PA REKLAMA!

SHKARKO APP

App Store
Google Play

Kryekuvendari Veseli tërhiqet për Gjykatën Speciale/ Ja çfarë shkruan në letër

9 Janar 2018, 16:51, Aktualitet CNA

Kryetari i Kuvendi të Kosovës, Kadri Veseli, i cili, së bashku me presidentin Thaçi dhe kryeministrin Haradinaj, ishte një nga tre nismëtarët e hedhjes poshtë të ligjit për Gjykatën Speciale, ka bërë një hap pas të hënën, kur me anën e një letre publike ka thënë se Gjykata Speciale sa do që është e padrejtë për Kosovën, duhet vazhduar. Lajmin e ka raportuar ?Zeri.info?, duke sjellë edhe pjesë fragmentare të tekstit të saj.

Hedhja pas e hapit të Veselit vjen pasi më parë përfaqësitë e shteteve të Quintit dhe Departamenti i SHBA i paralajmëruan tre liderët e Kosovës të mos guxojnë ta ndërmarrin një hap të tillë që do të sjellë pasoja të renda për vendit, por edhe për marrëdhëniet me vëndet perëndimore.

Kadri Veseli në këtë letër, duke kujtuar natën e 22 dhjetorit, në të cilin u thirr mbledhje e jashtëzakonshme  e Kryesisë së Kuvendit për të shqyrtuar nismën e më shumë se dyzetë deputetëve për shfuqizimin e ligjit të Gjykatës Speciale, ka thënë se ajo ishte një natë e pazakontë, dhe iniciuesit e kësaj nuk kishin parasysh edhe reaksionet kundër.

Përmbajtjen e letrës së Veselit nuk e ka komentuar kryeministri Haradinaj, i pyetur rreth saj pas një takimi që ka patur me kryetarin e Bashkisë së Prishtinës, Shpend Ahmeti. Në vend të komentit Haradinaj ka përsëritur qëndrimin e partisë së tij, AAK-së, se kanë qenë dhe janë kundër kësaj gjykate.

Më 3 gusht të vitit 2015, Kuvendi i Kosovës kishte miratuar ndryshimet Kushtetuese për formimin e Gjykatës Speciale, e cila do të hetojë si të dyshuar për krime lufte disa nga pjesëtarët e Ushtrisë Çlirimtare të Kosovës.





Lajmet e fundit nga