E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rikonfirmohet marrëveshja e 18 majit, Basha-Rama/ Dy hapat që “rrëzojnë’ Kryeprokuroren

19 Dhjetor 2017, 15:56, Aktualitet CNA

Dje në Parlament nën tymin dhe çizmet e Monikës u zgjodh Prokurorja e Përgjithshme e përkohshme, e cila nuk ngeli jashtë përplasjeve të forta midis shumicës dhe opozitës.

Opozita akuzoi shumicën se e kishte zgjedhur Prokuroren e Përgjithshme të përkohshme në një proces të manipuluar dhe se asaj i ishin vjedhur kartat.

Por, çuditërisht nuk kanë bërë asnjë hap për të rrëzuar procesin e zgjedhjes së Prokurores së Përgjithshme të përkohshme dhe kështu janë dy hapa, të cilat nga dje deri më sot nuk i ka shfrytëzuar.

Së pari të çojë në Gjykatën Kushtetuese atë që artikulon çdo ditë dhe së dyti të verifikojë në bazë të rregullores të votimit dhe të sigurojë provën për ta rrëzuar sërish Prokuroren e Përgjithshme të përkohshme.

Këto Lulzim Basha nuk i ka bërë dhe as nuk do ti bëjë.

Në një dalje për mediat mesditën e sotme, Basha e ka mohuar dërgimin e çështjes në Gjykatën Kushtetuese me pretendimin se edhe Kushtetuesja është nën presion politik.

?Gjykata Kushtetuese nuk është zjarrfikëse dhe forcë paqëruajtëse, por interpreton paqartësinë në raport me zbatimin e Kushtetutës. Kushtetuesja është nën presion dhe kjo është e parealizuar si rezultat i ofensivës së narko shtetit, prandaj duhet një përballje politike?, është shprehur Basha.

Tashmë duket qartë se marrëveshja e tij me Edi Ramën nuk funksionon vetëm me bashkëqeverisje, por edhe me teatër konflikti në kuvend.

Lulzim Basha nuk e çon në Gjykatën Kushtetuese dhe kjo përbën provën e parë të marrëveshjes së tij me Edi Ramën për zgjedhjen e Kryeprokurores së përkohshme.

CityNews.al dje, raportoi se Prokurori i Përgjithshëm i përkohshëm ishte produkt i dalë nga marrëveshja e 18 majit. Për këtë CityNews.al solli dhe argumente.

Një fakt tjetër, i raportuar nga CityNews.al që dje, tregon se gjithçka që doli në Parlament ishte teatër

Një fakt që është denoncuar nga dje deri më sot, si vjedhja e kartave elektronike të votimit, për të cilat PS ?ja, thotë se na mori 5 karta Monika dhe PD -ja pretendon se i kanë marrë 9 karta, është shndërruar në një kakofoni akuzash.

Rregullorja e Parlamentit e ka mjaft të qartë dhe e thekson verifikimin e procesit të votimit. Pra, PD i ka të gjitha hapësirat ligjore që përtej akuzave të bëjë verifikimin e procesit.

Dhe duke bërë verifikimin e duke dalë tek falsifikimi i kartave PD, mund ta çojë në Prokurori dhe Gjykatë dhe në këtë mënyrë e rrëzon sërish Prokuroren e Përgjithshme të përkohshme.

Janë këto dy fakte që tregojnë se Prokurorja e Përgjithshme e përkohshme, nuk është zgjedhur vetëm me bekimin e Edi Ramës, por ajo është produkt i marrëveshjes së 18 majit.

Në rast se Prokurorja e Përgjithshme e përkohshme, nuk do të ishte edhe e Lulzim Bashës, jo sot që Basha, thotë se nuk do ta çoj në Kushtetuese, por që dje duhej ta kishte çuar në Kushtetuese dhe që dje duhej të kishte bërë procesin e verifikimit për votimin.

Por, nuk ka bërë asnjërën dhe as tjetrën dhe me shumë gjasa nuk ka ndërmend të bëjë asgjë. Kryeprokurores së re, pavarësisht teatrit me çizmet e Monikës dhe tymueseve në Parlament, Lulzim Basha i ka dhënë bekimin e tij.

Dy faktet e mësipërme nxjerrin zbuluar kreun e PD-së. Kështu që edhe njëherë vërtetohet se ai është peng i marrëveshjes së 18 majit dhe nuk mund të fshihet dot më pas gishtit.

Çdo ditë e jetës politike në vend tregon, se Lulzim Basha është një instrument në duart e Kryeministrit Edi Rama dhe kurrsesi nuk mund të jetë një lider opozite, duke qëndruar në tepsinë e Edi Ramës.

Prandaj dhe kërkesa drejtuar Bashës për djegie mandatesh dhe për opozitë të fortë, ndoshta është e tepruar. Pasi, ai është i marrë peng nga pazaret e pista me emrin e Edi Ramës./CityNews