web counter
LEXO PA REKLAMA!

SHKARKO APP

App Store
Google Play

Basha kërcënon me destabilitet

17 Dhjetor 2017, 17:59, Aktualitet CNA

Pas përfundimit të mbledhjes së kreut të Partisë demokratike, Lulzim Basha, me aleatët në opozitë, kryedemokrati doli në një prononcim për shtyp ku është shprehur se në rast se Edi Rama do të zgjedhë Kryeprokurorin e Përkohshëm, ai do të jetë përgjegjësi kryesor për përfundimin e bashkëjetesës demokratike dhe destabilizimin e vendit.

“Nëse nesër Edi Rama tenton të çojë deri në fund puçin e tij kushtetues, duhet ta dijë se kostoja e përballjes do të jetë e madhe, në kuptimin e goditjes që do t’i japë bashkëjetesës demokratike, stabilitetit në vend, dhe se shqiptarët si çdo komb tjetër i civilizuar nuk do ta pranojnë as dhunimin e kushtetutës, as kapjen politike të drejtësisë, as asgjësimin e Reformës në Drejtësi, për të cilën kemi investuar kaq shumë dhe qytetarët mezi e presin. “, – tha ndër të tjera kryetari i PD Lulzim Basha.

Sipas Bashës, të gjithë qytetarët duhet të bashkohen për të mos lejuar këtë puç kushtetues që po tenton të bëjë Edi Rama. /CityNews





Lajmet e fundit nga