web counter
LEXO PA REKLAMA!

SHKARKO APP

App Store
Google Play

Kthehen në Itali eshtrat e Mbretit të Italisë e të Shqipërisë Vittorio Emanuele III pas 70 vjetësh

17 Dhjetor 2017, 16:41, Aktualitet CNA

Mbrëmjen e së premtes 15 dhjetor 2017 eshtrat e Mbretit të Italisë Vittorio Emanuele III u transportuan nga Aleksandria e Egjiptit në kapelën e San Bernardos në Provincën e Kuneos (Cuneo). Një javë më parë edhe eshtrat e Mbretëreshës Elena e Cetinjës, bashkëshortes së Mbretit Vittorio u transportuan nga varrezat e Monpeliesë (Francë), ku pushonin prej 55 vjetësh, në Kapelën e San Bernardos.

Theksojmë për lexuesin shqiptar se Mbreti Vittorio pas pushtimit të Shqipërisë duke filluar nga 19 prilli 1939 (episodi i turpshëm i dorëzimit të Kurorës së Skënderbeut) deri në shtator 1943 ishte edhe Mbret i Shqipërisë nëpërmjet një bashkimi personal të Mbretërisë së Shqipërisë me Mbretërinë e Italisë.

Mbreti Vittorio pas humbjes së referendumit të vitit 1946 për formën e regjimit në Itali, shkoi në ekzil në Mbretërinë e Egjiptit të Mbretit Farouk (me origjinë shqiptare). Në atë kohë në Egjipt ishte në ekzil edhe Mbreti i Shqiptarëve Zog I. Duke qenë që të dy mbretër të dëbuar nga froni ? manu militaru? nga forcat  e majta e komuniste, Mbreti Vittorio dhe Mbreti Zog u pajtuan me njeri tjetrin dhe filluan madje bashkëpunimin politik në mërgim me funksion anti komunist. /Gjergj Thanasi/CityNews





Lajmet e fundit nga