Skandali/ Rruga e Rinasit e pandriçuar, nuk plotëson kushtet në shërbim të aeroportit

14 Dhjetor 2017, 21:55, Aktualitet CNA

Rruga e Rinasit e ndërtuar për ti shërbyer aeroportit “Nënë Tereza” nuk funksionon më si e tillë, pasi ka një sërë problematikash, ku më kryesorja është mungesa e ndriçimit.

Ajo u ndërtua si një rrugë tagenciale, e cila do të funksiononte për të të çuar më shpejt drejt aeroportit, por një gjë e tillë nuk ekziston, pasi shpejtësia e lejuar është 50 km/h.

Eksperti për sigurinë rrugore Artur Sulçe tha për BOOM se një elemet tjeter i gabuar janë pemet të cilat pengojnë fushëpamjen e drejtuesve te automjeteve. Element tjetër janë ndërhyrjet nga nyjet nën nivel të njohura si rrugët dytësore por qe nuk duhet te ishin te lejuara ne nje rruge tangenciale.

BOOM mësoi se në këtë rrugë janë vjedhur kabujt e energjisë elektrike. Policia sqaroi se për këtë është arrestar një person, ndërsa për tre të tjerë materialet janë depozituar në Prokurorinë e Tiranës.

Artur Sulçe, ekspert i sigurisë rrugore: Mënyra sesi u prezantua kjo rrugë në momentin që bëheshe ishte një tagenciale që do t’i shërbente aeroprotit. Pra për të ecur sa më shpejt për të kapur kohën. Në këtë këndvështrim ishte një rrugë e cila do bëhej me një shpejtësi 80 km/h. Sot konstatojmë që kësaj i ka ndryshuar kualifikimi sepse kemi kryqëzime në nivel që rrisin rrezikshmërinë dhe zvogëlojnë shpejtësinë. Pra shërbejnë si pengesa rrugore për këtë tagenciale. Pra me sinjalistikën që është vendosur aty dhe me kryqëzimet në nivel ajo rrugë përveçse ka rritur riskun, sepse njerëzit nxitojnë nëse dikush është nisur me vonesë nga Tirana me këtë trafik të cmendur, kur mbërrijnë aty me mendimin që po ikin aty mund të kthehen në aksidente. Sepse është një rrugë me 80 km/h dhe ju keni 50 km/h. Pra i është ndryshuar kualifikimi nga qeveritë që kanë ardhur dhe ky kualifikim është ndryshuar në këtë 4 vjecar që sapo kaloi.

Për ti shërbyer aeroportit ajo duhet të ishte një rrugë me nënkalime apo mbi kalime në mënyrë që mos pengohej klienti, turisti apo gjithkush për të kapur avionin për shkak edhe të trafikut të rëndomte dhe që nuk është bërë asgjë në Tiranë. Është një rrugë që degëzimet i ka të padukshme, konstatojmë edhe mbjelljen e pemëve shumë afër. Kur të rriten dhe pak kushdo që tenton të shmangë një aksident ai do përplaset me pemët dhe dëmet do të jenë shumë më të mëdha sesa përplasjet ballore.

Në Shqipëri çdo që gjë është anormale është kthyer në normale dhe çdo gjë normale është kthyer në anormale. Mendoj se ka vend për ndriçim dhe unë mendoj që ky ndriçim duhet parë që mos jetë i ngjashëm me ndriçimin e aeroportit që mos krijojë iluzione dhe për uljet dhe ngritjet në aeroport.