E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

Nga Koço Kokëdhima/“Zgjidhja” për Prokurorin Përgjithshëm, SPAK dhe BKH

13 Dhjetor 2017, 12:31, Aktualitet CNA

Reforma në Drejtësi, njësoj si përpara 21 Korrikut të vitit të kaluar, është përfshirë në një ngërç të paprecedentë, duke i pozicionuar partitë e vjetra sërish në llogore lufte dhe duke rrezikuar që ta fusin vendin në kaos.

Këshilli i Lartë i Prokurorisë, i cili duhej të ishte krijuar që në muajin shkurt të këtij viti është bllokuar. Bllokimi i krijimit të KLP-së ,duket qartë se bëhet me qëllim nga partitë parlamentare.

Nga ky institucion do të burojnë zgjedhja e Prokurorit të Përgjithshëm, krijimi dhe zgjedhja e anëtarëve të prokurorisë së posaçme (SPAK) dhe Byroja Kombëtare e Hetimeve (BKH), e cila nën SPAK do të luajë rolin e njësisë hetimore të korrupsionit dhe krimeve të rënda.

Pra po bllokohen pikërisht këto institucione që do të marrin në dorë hetimin e korrupsionit të politikanëve dhe shtetarëve gjatë këtij tranzicioni, i cili ka pasuruar një gusht njerëzish dhe ka varfëruar deri në skamje gjithë popullin shqiptar. Formalisht arsyeja, se përse nuk krijohet KLP-ja është se Shoqëria Civile ka dështuar dhe e ka të pamundur që të paraqesë një kandidat të sajin që plotëson kriteret sipas ligjit.

Në këtë situatë, kryeministri Rama nga njëra anë po nxiton që me dhunën e kartonave të zgjedhë një Prokuror të Përgjithshëm të Përkohshëm, nga ana tjetër fton Lulëzim Bashën, që të ulen dhe të bëjnë pazar për emrin e tij.

Në të dyja rastet kemi të bëjmë, me një shkelje flagrante të Kushtetutës dhe rrënim të besueshmërisë së Reformës në Drejtësi.

?Zgjidhja? dhe populli kanë pritur të kundërtën; pikërisht që politika t’i mbajë duart larg nga institucionet e Drejtësisë së re. Sot Komisioni Ad Hoc i Shoqërisë Civile, i cili është ngritur për administrimin e procedurës së përzgjedhjes së kandidaturave për një përfaqësues të shoqërisë civile në KLP deklaroi pak a shumë, se përfaqësuesi i saj në Këshill mund të mos zgjidhet kurrë! Kjo do të thotë që Prokurori i Përgjithshëm i Përkohshëm, rrezikon që të jetë ?I Përhershëm?, i vendosur nga politika dhe nën kontrollin e saj.

Shoqëria Civile, pretendon se nga radhët e saj, nuk mund të gjejnë dot individ të cilët përmbushin kriterin e 15 viteve përvojë pune në profesion si jurist dhe që të provojnë me fakte dhe prova konkrete angazhimin e tyre në shoqërinë civile për periudhën e mësipërme, një profil të spikatur shoqëror, integritet të lartë moral, apo justifikim të aseteve. Shoqëria Civile kishte 9 muaj afat, që nga muaji maj i këtij viti që ta gjente një kandidat të saktë për KLP-në. Nuk e bëri dot dhe sot është dorëzuar përfundimisht. Kështu, për shumë vite nuk do kemi SPAK e BKH, por vetëm një Prokuror të Përgjithshëm të kontrolluar nga njëra, dy ose nga të tre partitë e vjetra!

Ky ngërç, ky dështim, tregon atë që ZGJIDHJA e ka paralajmërua disa here: kur të vijë puna te zbatimi i Reformës në Drejtësi, ?ajo do të fusë ujë? gjithandej, pasi është hartuar keq dhe kjo elitë politike e korruptuar do të bëjë çdo gjë, për të mos u përballur asnjëherë me drejtësinë. Në këtë situatë, kur vendi rrezikon që të ketë një Prokuror të Përkohshëm të zgjedhur nga politika e vjetër i cili faktikisht, do të jetë ?I përhershëm?, ?Zgjidhja? propozon që palët në parlament të ndërhyjnë për të ndryshuar nenin e ligjit për Prokurorin e Përgjithshëm dhe pikërisht, atë pikë ku flitet për kriteret e kandidatëve që Shoqëria Civile nuk i gjeka dot.

Me këtë ndryshim t?i hapet rrugë zgjedhjes së kryeprokurorit nga KLP-ja.
ZGJIDHJA e ka bërë të qartë se pa reformim të sistemit politik, pa çlirimin e zgjedhjeve dhe shtetit nga mafia e partive, reforma e drejtësisë nuk mund të kryhet dhe nuk mund të japë rezultate!

Vetëm ZGJIDHJA në pushtet do bëjë shtet dhe drejtësi, ekonomi dhe zhvillim në këtë vend. Vetëm ajo është e përgatitur që të udhëheqë revolucionin paqësor të popullit shqiptar për përmbysjen e kësaj elite politike që e ka marrë peng shtetin dhe shoqërinë tonë!
#ZgjidhjaPërDrejtësinë