web counter
LEXO PA REKLAMA!

SHKARKO APP

App Store
Google Play

PD dhe Republika e Re/ Basha tentoi të krijonte një parti tjetër

12 Dhjetor 2017, 17:17, Aktualitet CNA

Ish-nënkryetari i Partisë Demokratike, Astrit Patozi, si një nga kritikët më të ashpër të kryetarit të PD-së, Lulzim Basha, ka hedhur akuza të forta në drejtim të këtij të fundit.

Sipas Patozit, Lulzim Basha tentoi të krijonte një parti tjetër, duke u larguar nga origjina e saj. Sipas Patozit, Lulzim Basha tentoi t’i ndryshonte logon, emrin ngjyrat madje edhe njerëzit Partisë Demokratike, për ta shndërruar në “Republikën e re”.

“Përmes PD-së, të bënte një parti tjetër në trajtën e Republikës së re, i ndryshoi logon, ngjyrat dhe njerëzit, me shpresën që të arrinte në një lloj rezultati dhe të vijonte më pas me partinë e tij, por kjo e çoi në një rezultat të tmerrshëm elektoral. Nuk ishte gjë tjetër por një kopje e shëmtuar e Edi Ramës me atë që ai bëri me Partinë Socialiste, por ai përshtati PS-në me shijet e tij pa i ndryshuar rrënjët, por Basha kërkoi të kishte një parti të tij, dhe jo të përshtaste PD-në me shijet personale. Kjo e bëri atë të që të rezultojë i dështuar, sepse nuk mundet që duke ardhur nga asgjëja të marrësh përsipër një iniciativë të tillë.”

Sipas Patozit, Basha u rikthye te PD-ja se ka nevojë dhe sepse e pa që e kishte të pamundur të ecte para. /CityNews





Lajmet e fundit nga