web counter
LEXO PA REKLAMA!

SHKARKO APP

App Store
Google Play

Basha reagon për dorëheqjen e mjekëve pas apelit të demokratëve

5 Dhjetor 2017, 18:12, Aktualitet CNA

Kryetari i Partisë Demokratike, Lulzim Basha, ka reaguar pas lajmit të publikuar në media se një grup mjekësh i Urgjencës së QSUT-së, janë dorëhequr nga detyra, me një letër drejtuar krerëve të shtetit, dhe apelit të shumë demokratëve apo aktivistëve të Shoqërisë, drejtuar Bashës.

Si duket pas një sërë kërkesash publike, Basha vendosi të gjejë kohë dhe të reagojë nga Brukseli, edhe për çështjen e ditës së sotme.

Në reagimin e tij në rrjetet sociale, Basha e quan si akt të paprecedentë dorëheqjen e mjekëve, që sipas tij është shenjë e gjendjes së mjerueshme në të cilën ndodhet shëndetësia. Ai shprehet se arsye e kësaj situate të krijuar është mungesa e kushteve minimale.

“Dorëheqja e mjekëve të Urgjencës është akt i paprecedentë, që pason eksodin në këto 4 vite të qindra mjekëve të tjerë, dhe tregon gjendjen e mjerueshme të shëndetësisë.
Arsyeja e dorëheqjes për shkak të mungesës së kushteve minimale të punës është dëshmia më e dhimbshme e dështimit te eksperimentit fatal të Edi Ramës me ?shëndetësinë falas?. “, – shkruan Basha.

Më tej ai u bën apel mjekëve të rishikojnë vendimin e tyre, pasi qytetarët kanë nevojë për ta, ndërsa i bën thirrje Kryeministrit të reagojë dhe sigurojë kushtet normale të punës për mjekët e urgjencës.

“Në emër të misionit të tyre human, u kërkoj mjekëve të rishikojnë vendimin e tyre, të mos e braktisin Urgjencën, sepse qytetarët kanë nevojë për ta!
I bëj thirrje Edi Ramës të reagojë menjëherë për t?u siguruar mjekëve të urgjencës kushte normale pune! Nga këto kushte varet jeta dhe shëndeti i qytetarëve shqiptarë.”, – thotë Basha.

Sipas tij, “Mjafton që Rama të anullojë 4 koncesionet korruptive në shëndetësi për të siguruar 400 milionë euro investime jetike për sistemin shëndetësor në kolaps.” /CityNews





Lajmet e fundit nga