web counter
LEXO PA REKLAMA!

SHKARKO APP

App Store
Google Play

Prokuroria hetim ndaj Bashës/ Balla: Jo vetëm të hetohet por edhe...

24 Nëntor 2017, 21:18, Aktualitet CNA

Kryetari i grupit parlamentar të Partisë Socialiste, Taulant Balla, ka reaguar pas lajmit se Prokuroria po heton kontratën që kryetari i Partisë Demokratike, Lulzim Basha, ka bërë me një kompani offshore, për të lobuar për takime me zyrtare të lartë amerikanë.

Balla teksa ngre dyshimet për burimin financiar të kontratës me kompaninë ofshore, thotë se Basha dhe njerëz me lidhje familjare me të jo vetëm duhen verifikuar, por edhe duhen marrë në pyetje për burimin e parave dhe përse nuk janë deklaruar ato. Ai shprehet se, një ngjarje e tillë do të kishte tronditur çdo parti politike në çdo vend demokratik.

“Uroj qe lajmi per fillimin e hetimeve te prokurorise mbi kontraten e paligjshme te Lulezim Bashes me nje kompani te huaj, te paguar nga nje burim i padeklaruar parash, per te siguruar mbeshtetje per nxirjen e imazhit te Shqiperise te jete i vertete! Lulezim Basha duhet te pergjigjet cili eshte burimi i atyre parave? Pse nuk i ka deklaruar ato para dhe si kane perfunduar ne nje parajse fiskale? Nderkohe presim qe prokuroria te jete transparente me publikun dhe te konfirmoje vertetesine e lajmit te dale neper media mbi fillimin e hetimit. Nese lajmi eshte i vertete, ne presim po ashtu qe prokuroria te marre sa me pare ne pyetje Lulezim Bashen dhe persona ne lidhje familjare me te te cilet zoterojne llogari bankare ne Belize, sepse ai dhe askush tjeter e di te verteten e perdorimit te vules se kryetarit te partise per kete makinacion financiar qe do te kishte tronditur cdo parti politike ne cdo vend demokratik.”, – shkruan Balla. /CityNews





Lajmet e fundit nga