Rama leje për HEC këshilltarit të Ilir Metës/Fillojnë pazaret me biznesmenët e LSI-së

15 Nëntor 2017, 19:13, Aktualitet CNA

Ditën e djeshme mediat raportuan për disa biznesmenë të preferuar të kryeministrit Edi Rama, se janë shpërblyer me dhënie leje ndërtimi në Tiranë dhe leje ndërtimi HEC-esh nëpër gjithë Shqipërinë.

Sipas raportit të mediave, Këshilli Kombëtar i Territorit ka dhënë 16 vendime të reja, midis të cilave 3 leje të reja ndërtimi në Tiranë dhe 4 hidrocentrale të rinj në gjithë vendin.

Midis të rreshtuarve në listën e publikuar rezultonte si i shpërblyer me leje edhe Viktor Qylafi, i cili së bashku me të vëllain Adnandin rezultojnë pronarë të kompanive ?Favina 1? dhe ?Favina? .

Vëllezërit Qylafi, kanë ndërtuar hidrocentralin e Cangonjit, me lejen e dhënë dje nga Edi Rama ata do ndërtojnë një tjetër HEC në Kamenicë të Korçës.

Viktor Fatmir Qylafi, rezulton të jetë këshilltar i LSI-së, në Bashkinë e Korçës, sipas listës së këshilltarëve zgjedhur në vitin 2015.

Pazari duket tepër i lartë për një këshilltar të thjeshtë të LSI, por me largimin e kësaj force nga koalicioni me PS dhe dalja në opozitë, në shumë Bashki raportet pritet të jenë mjaft delikate.

Pikërisht biznesmenët e Metës janë ata që mund të përmbysin gjithçka në favor të socialistëve aty ku mund të shfaqen probleme.

Në Korçë raportet duken mjaft delikate nga 41 këshilltarë, socialistët kanë të vetëm 17 këshilltarë dhe gjithçka ngelet në votat e disa aleatëve si PDS e Paskal Milos, që edhe kjo ishte mbështetëse e LSI në zgjedhjet e fundit, FRD e Bamir Topit dhe Aleanca e Gjelbërt, me këto 3 vota socialistët sigurojnë një mazhorancë të brishtë në Këshillin Bashkiak të Korçës.

Pikërisht për këtë arsye Niko Peleshi, si drejtues socialist i qarkut Korçë, ka gjetur zgjidhjen e radhës. ?Qoka? ndaj biznesmenit të LSI, pra leja për HEC-in e radhës duket të jetë zgjidhja e Peleshit për t’i dhënë stabilitet të plotë në qeverisjen lokale mikut të tij kryebashkiakut Sotiraq Filo. /CityNews