Trafiku i lëndëve narkotike/ Arrestohen 6 persona

10 Nëntor 2017, 13:57, Aktualitet CNA

Policia e Shkodrës njofton se në kuadër të operacionit të koduar ?Bahçallëku? janë arrestuar në flagrancë edhe 4 shtetas si të përfshirë në këtë veprimtari kriminale të ?Mbajtjes dhe shpërndarjes së lëndëve narkotike?.

Uniformat blu bëjnë të ditur se të arrestuarit janë shtetasit:

Anri Papaligori, 35 vjeç, banues në Lezhë, u arrestua pasi gjatë kontrollit personal në portofolin e tij kishte një zarf të vogël brenda të cilit kishte një sasi lënde e dyshuar lëndë narkotike Heroinë.

Albert Lokaj , 30 vjeç, banues në Shkodër, ky shtetas u arrestua pasi ka rezultuar se ka blerë sasi të konsiderueshme dozash lënde narkotike tek shtetasi Denis Shema gjatë periullës dy mujore të hetimit.

Loreta Paço, 36 vjeçe, banues në Shkodër, u arrestua pasi ka rezultuar se në vazhdimësi ka ndihmuar shtetasin Denis Shema në shitjen e lëndës narkotike, gjatë periudhës dy mujore të hetimit.

Pjetër Kokaj, 23 vjeç, banues në fshatin Ivanaj, Malësi e Madhe, arrestimi i këtij shtetasi u bë pasi gjatë kontrollit personal i është gjetur në xhep një qese plastike me lëndë narkotike e dyshuar cannabis sativa, ku rezultoi me peshë 3.8 gram.

Gjatë këtij operacioni u sekuestruan në cilësinë e provës materiale, konkretisht:

2 Automjete

26.4 gram lëndë narkotike Heroinë

3.8 gram lëndë narkotike Cannabis Sativa

6 telefona cellular.

Gjithashtu në kuadër të planit të operacionit për kapjen e personave në kërkim nga strukturat e Komisariatit Policisë Shkodër është bërë ndalimi i shtetasit:

Kolë Qershia 30 vjeç, i dënuar me 1 vit burg për veprën penale ?Prodhimit dhe shitjes së narkotikëve e kryer në bashkëpunim? e parashikuar nga neni 283/2 i Kodit Penal

Si dhe nga strukturat e Komisariatit të Policisë Pukë është ndaluar shtetasi:

Bledar Gjinaj 40 vjeç, banues në Fushë Arrëz, me masë sigurimi ?Arrest me burg? për veprën penale ?Kanosje? dhe ?Mbajtje pa leje e armëve luftarake dhe e municionit? parashikuar nga nenet 84 dhe 278 të Kodit Penal.

Vazhdojnë hetimet në lidhje me bashkëpunëtorët e tjerë të përfshirë në këtë aktivitet kriminal.

Materialet iu referuan Prokurorisë së Rrethit Gjyqësor Shkodër për këta shtetas, për veprën penale të ?Prodhimit dhe shitjes së narkotikëve e kryer në bashkëpunim? parashikuar nga neni 283/2 i Kodit Penal./ CityNews