E fundit!

22:08 Aktualitet

E dhimbshme/ Ndahet nga jeta gazetari

Një aksident i shënuar këtë të shtunë pranë daljes së Dala...

Penalizohen ndotësit e lumit Erzen/ Zv.ministrja apelon qytetarët të denoncojnë çdo rast

10 Nëntor 2017, 12:50, Aktualitet CNA

Task Forca për Pastrimin e Shqipërisë nga mbetjet, ka kryer një aksion pranë Urës së Beshirit në njësinë administrative Vaqarr ku ishin depozituar dhjetëra ton mbetje në të dyja brigjet e lumit.

Situata alarmante u inspektua nga Task Forca në përbërje të së cilës janë Inspektoriati Shtetëror i Mjedisit, Policia e Shtetit dhe policia bashkiake me në krye zëvendësministren e Turizmit dhe Mjedisit, znj, Ornela Çuçi.

?Pas ankesave të shumta që kanë bërë qytetarët në portalin e bashkëqeverisjes, por edhe pas disa emisioneve të cilat kanë raportuar për ndotje mjedisore në lumin Erzen, është mobilizuar Task Forca e krijuar në Ministrinë e Turizmit dhe Mjedisit dhe të gjithë ne kemi ardhur këtu për ta pastruar nga ndotësit flagrantë këtë breg?.- tha zv/ministrja Çuçi.

Pasi është parë nga afër situata dhe është konstatuar krimi mjedisor në vend janë marrë masa ndaj biznesve duke revokuar lejet mjedisore të 12 subjekteve që ushtronin aktivitet në zonë. Gjithashtu është çuar për ndjekje penale për ndotjen e ujit dhe ajrit, administratori i një prej firmave të riciklimit të mbetjeve plastike, ndërsa janë shoqëruar nga policia edhe 8 persona të tjerë. Zv/ministrja Çuçi u shpreh se krimi mjedisor duhet ndëshkuar. ?Krimi mjedisor është një krim që nuk prek vetëm një qytetar, prek një komunitet të tërë, ndaj ka ardhur koha që ky krim të ndëshkohet dhe të ndëshkohet rëndë. Ne nuk kemi si synim të gjobisim ose të penalizojmë qytetarët ose bizneset të cilat shkaktojnë këto krime mjedisore, por mbi të gjitha kemi si synim që të pastrojmë Shqipërinë. Dhe nëse pastrimi i Shqipërisë kalon nëpërmjet disa fazave edhe ndëshkimi është një pjesë e tyre.?- tha zv/ministrja Çuçi.

Aksioni përfundoi me pastrimin e të gjithë zonës në të dyja anët e lumit Erzen nga ekipet e pastrimit. Në përfundim të aksionit zv/ministrja Çuçi apeloi qytetarët që të denoncojnë çdo rast krimi mjedisor. ?Mjedisi nuk njeh kufij. Është sa detyrim i përbashkët aq edhe përgjegjësi e të gjithë qytetarëve ndaj unë ftoj të gjithë qytetarët të raportojnë në portalin e bashkëqeverisjes për të gjitha krimet mjedisore që ata konstatojnë në terrenin e tyre?. / CityNews