Procesi i vettingut/ Ndërkombëtarët të plotfuqishëm/Mësoni kompetencat që kanë

24 Shtator 2017, 11:17, Aktualitet CNA

Kompetencat dhe kufijtë e të drejtës për ndërhyrjen e tetë përfaqësuesve të Operacionit Ndërkombëtar të Monitorimit (ONM), shtatë nga Bashkimi Evropian dhe një nga Shtetet e Bashkuara , vijojnë të mbeten ende enigmë për shqiptarët. Gjë që lejon sajimin e lloj-lloj pandehmave dhe thashethemeve, veçanërisht nga pjesë të frikësuara për prezencën e tyre në procesin e reformimit të thellë të sistemit të drejtësisë.

Në ndriçim të kësaj enigme, shqiptarja.com ka sjellë sot raportimin sipas të cilit 8 përfaqësuesit e ONM: nuk kanë thjeshtë mision për vëzhgimin e procesit të Vetingut,por kanë kompetenca me natyrë hetimore.

?Përpos monitorimit të procesit, ata mund të mbledhin prova dhe fakte kundër prokurorëve dhe gjyqtarëve, rreth pasurive dhe lidhjeve të tyre të papërshtatshme me segmente të krimit.

Vëzhguesit e BE-SHBA për mbikëqyrjen e një prej proceseve më të rëndësishme në 27 vitet e fundit në Shqipëri, kanë akses të pakuzuar në çdo dosje dhe dokument rreth pasurisë dhe veprimtarisë së prokurorëve dhe gjyqtarëve.

Të gjitha institucionet e shtetit shqiptar janë të detyruar me ligj që të vënë në dispozicion të vëzhguesve çdo dokument dhe të dhënë që atë kërkojnë rrethe transaksioneve, lëvizjeve dhe çdo veprimtarie të njerëzve të drejtësisë.

Ata do të japin gjithashtu një opinion për secilin gjyqtar dhe prokuror, nëse duhet apo jo të shërbejë në drejtësinë e re, ndonëse vendimi përfundimtar për secilin subjekt i takon Komisionit të Kualikimit dhe Kolegjit të Apelimit…?, raporton shqiptarja.com.

Kuptohet kompetencat nuk janë apriori por të mbështetura nga një bazë ligjore, konkretisht Neni 45 i ligjit të Vetingut që u jep të drejtë vëzhguesve ndërkombëtarë që të kërkojnë informacion nga çdo subjekt i së drejtës publike.

Për llogari të procesit të Vetingut, vëzhguesit ndërkombëtarë do të kenë akses në regjistrin e pasurive të paluajtshme, në regjistrin noterial shqiptar, në llogaritë bankare, në të dhënat tatimore, në të dhënat për hyrje-daljet në ku, në të dhënat mbi kreditë, të ardhurat, mbi sende të luajtshme ose të paluajtshme dhe në çdo dokument tjetër që i shërben kontrollit.

Ata do të kenë akses mbi ankesat ndaj gjyqtarëve dhe prokurorëve, mbi vendimet për masat disiplinore ndaj tyre si dhe në kodet hyrëse të institucionit për aksesimin e plotë të informacionit të nevojshëm. Vëzhguesit mund të marrin dokumente dhe të dhëna, sidomos për pasuritë e fshehura, edhe nga shtetet e huaja.

Vëzhguesit ndërkombëtarë kanë të drejtën të marrin të gjithë informacionet menjëherë, të dhënat për persona dhe dokumentet e nevojshme, me qëllim monitorimin e procesit të rivlerësimit në të gjitha nivelet dhe fazat.

Ata kanë të drejtë që të marrin pjesë në të gjitha seancat dëgjimore për gjyqtarët dhe prokurorët, madje edhe t?u drejtojnë pyetjeve këtyre të fundit, nëse kanë dëshirë që të përgjigjen.

Por ata kanë kompetencën që dosjet e pasurive të gjithë gjyqtarëve dhe prokurorëve, të dorëzuara pranë Inspektoratit të Lartë të Deklarimit dhe Kontrollit të Pasurive, ti kalojnë nëpër duart e tyre, si dhe shumë të drejta të tjera të përcaktuara nga pika 3 e nenit 33 të ligjit të Vetingut, që detyron ILDKP që t?u mundësojë akses të plotë prokurorëve dhe gjyqtarëve të huaj, që të që të kërkojnë informacione, të konsultojnë, të kopjojnë dhe të hetojnë deklarimet e pasurive të paraqitura7 90 prokurorë dhe gjyqtarë. Vëzhguesit e huaj do të sekuestrojnë për llogari të hetimeve të tyre, të gjithë dokumentacionin ligjor që kanë paraqitur prokurorët dhe gjyqtarët, për justikimin e pasurive të deklaruara. Paraqitja e provave, kanë po ashtu të drejtë të kërkojë që Komisioni ose Kolegji i Apelimit të marrë në shqyrtim prova ose të paraqesë prova të marra nga organet shtetërore, entitetet e huaja ose personat privatë, pro ose kundra gjyqtarëve dhe prokurorëve etj./ CityNews