Duka u premton fermerëve/ Do të jemi zëri juaj kudo

22 Shtator 2017, 18:18, Aktualitet CNA

Kryetari i Partisë Agrare Ambientaliste Agron Duka ka folur sot për qëndrimet që do të mbajë partia që ai drejton tashmë që ndodhet në opozitë.

Duka është shprehur se PAA do të jetë zëri i fermerëve të vendit.

?Javën e shkuar kryesia e Partisë Agrare Ambientliste u mblodh për të përcaktuar strategjinë që do të ndjekim gjatë muajve në vijim. Po në atë mbledhje vendosëm të thërrasim Asamblenë e PAA-së në 30 shtator. Misioni ynë politik nuk ka ndryshuar. Do të jemi zëri më i fortë për ato çështje që PAA ka mbrojtur për gati tre dekada, pra zhvillimin e qëndrueshëm, bujqësinë, peshkimin, blegtorinë, turizmin, agroindustrinë dhe mjedisin?,- tha Duka në intervistën e tij për gazetën Koha Jonë.

Më tej ai ka thënë se edhe pse rezultati i zgjedhjeve ishte zhgënjyes për ta, PAA ka dhënë prova force të rëndësishme:

?Ndonëse rezultati i zgjedhjeve ishte zhgënjyes për pritshmëritë tona, ne dhamë disa prova force të rëndësishme. Faktorizimi i PAA-së ishte rezultat jo vetëm i punës që ne zhvilluam, por i besueshmërisë që ne fituam tek qytetarët. Gjykojë se kjo besueshmëri e fituar është pikënisja e duhur pas 25 qershorit, dhe jam i bindur se PAA do të tregojë se është një parti më rrënjë të forta?,- shtoi Agron Duka.

?Sigurisht të qenurit në Parlament përfaqëson disa lehtësime dhe vizibilitet, por gjithsesi politika nuk zhvillohet vetëm të enjteve në atë sallë zhurmuese. Por është një veprimtari që mund të kryet në forume lokale, kombëtare dhe mediatike. Këto nuk do të na mungojnë.

Ne do të jemi në qendër të opinionit publik pasi do të punojmë fort për të zhvilluar një opozitë ndaj veprimeve dhe mosveprimeve të mazhorancës. Njëkohësisht do të përpiqemi t?ju prezantohemi qytetarëve si një alternativë e besueshme duke ofruar ekspertizën tonë shumëvjeçare për temat agor-ambientale. Forumet tona, Lidhja e Grave Ambientaliste dhe Lidhja Rinore Ambientaliste, kanë filluar në mënyrë aktive rigjallërimin e strukturave, dhe kjo është një shenjë pozitive për shëndetin e partisë tone?,- përfundoi ai. /Citynews