web counter
LEXO PA REKLAMA!

SHKARKO APP

App Store
Google Play

Vjen përjashtimi i parë nga Basha/Ja kush ikën nga kryesia

9 Shtator 2017, 10:37, Aktualitet CNA

Dje Partia Demokratike ka zhvilluar mbledhjen e grupit të saj parlamentar. Kreu demokrat Lulozim Basha në shkelje të statutit të PD, ka emëruar të gjithë strukturën e grupit parlamentar, kryetarin, nën/kryetarët dhe gjithë pjesën tjetër që drejton komisionet parlamentare.

Statuti i PD e ka të detyruar në nënin 37 të tij se zgjedhja e dy nënkryetarëve bëhet nga Këshilli Kombëtar, këta nën/kryetarë janë kreu i grupit parlamentar dhe nën/kryetari i parlamentit përfaqësues të PD. Basha si gjithmonë ka vazhduar të shkelë statutin nga frika e mbledhjes së Këshillit të Kombëtar të cilin më shumë gjasa e ka kundër.

Por përtej shkeljeve statutore dhe abuzimeve të kryetarit të PD dje në mbledhjen e grupit parlamentar Basha ka bërë edhe përjashtimin e parë, shkruan Citynews.

Emërimet e reja të drejtimit të grupit dhe komisioneve parlamentare ishin qarkullime kryesisht dhe disa emërime të reja. Por midis tyre ka ardhur edhe shkarkimi i parë nga Lulzim Basha. Koka e parë që ka ?prerë? është ajo e Aldo Bumccit.

Ky i fundit ka qenë nën/kryetar i komisionit për Politikën e Jashtme dhe do zëvendësohet nga Tritan Shehu. Bumcci me largimin nga ky pozicion humb edhe postin si antar i kryesisë të PD, e cila në përbërjen e saj ka edhe të gjithë kryesinë e grupit  dhe drejtuesit e komisioneve parlamentare.

Aldo Bumcci nuk ka asnjë post tjetër në departamente apo drejtimin e PD për të qenë antar i kryesisë. Për tu zgjedhur ai duhet të presë Kuvendin e ardhshëm të PD që pritet vitin tjetër, më pas mbledhjen e Këshillit Kombëtar për të qenë pjesë e ndonjë organi drejtues që të rikthehet në kryesi.

Bumcci është i pari deputet dhe antar kryesie i PD që humb pozicionin e tij, pas deputetëve dhe drejtuesve të përjashtuar nga listat e kandidatëve për deputetë të Lulzim Bashës në 25 qershor.

Ai është parë si mbështetës i fortë i Lulzim Bashës, por si zakonisht Luli ja u fut atyre që e mbështesin më shumë, ngre ata që i japin lekë dhe i lëpihen më shumë./Citynews





Lajmet e fundit nga