web counter
LEXO PA REKLAMA!

SHKARKO APP

App Store
Google Play

Kush janë institucionet që po kontrollojnë gjyqtarët e prokurorët

9 Shtator 2017, 09:06, Aktualitet CNA

Nga data 01 shtator ka nisur zbatimi i procesit të vetingut për më shumë se shtatëqind gjyqtarë e prokurorë. Procedura e tij bazohet tek rivlerësimi i tre elementeve kyç të karrierës së personave të përfshirë: e shkuara, pasuritë dhe vlerësimi i aftësive profesionale, elementë që do të jenë të detyrueshme dhe do të kryhen për secilin përfaqësues të gjyqësorit e prokurorisë.

Sipas ligjit, institucionet e rivlerësimit në bashkëpunim me Drejtorinë e Sigurisë së Informacionit të Klasifikuar janë autoriteti përgjegjës për kontrollin e figurës, raporton ?Sotnews?, duke sqaruar se Drejtoria e Sigurisë së Informacionit të Klasifikuar ka të drejtë të caktojë një personel shtesë, për të kryer kontrollin e figurës për qëllim të këtij ligji.

?Personat që kryejnë kontrollin e figurës përmbushin standardet e zbatueshme për mbrojtjen e privatësisë dhe të konfidencialitetit në detyrë. Drejtoria e Sigurisë së Informacionit të Klasifikuar, Shërbimi Informativ Shtetëror (SHISH) dhe Shërbimi i Kontrollit të Çështjeve të Brendshme dhe Ankesave (SHKÇBA) pranë Ministrisë së Punëve të Brendshme, krijojnë një grup pune për zbatimin e këtij ligji. Këto struktura mund të caktojnë personel për të mbështetur grupin e punës për një periudhë kohe jo më pak se 1 vit. Drejtoria e Sigurisë së Informacionit të Klasifikuar, me kërkesë të grupit të punës ose të institucioneve të rivlerësimit, ka të drejtë të komunikojë me shtetet e tjera për të marrë informacionin e nevojshëm për personat e përfshirë në krimin e organizuar ose për personat e dyshuar si të përfshirë në krimin e organizuar për qëllim të këtij ligji?, thuhet në ligj./CityNews





Lajmet e fundit nga