web counter
LEXO PA REKLAMA!

SHKARKO APP

App Store
Google Play

Nga parlamenti i kriminelëve në parlamentin e servilëve dhe mediokritetit

9 Shtator 2017, 10:09, Aktualitet CNA

Kastriot Dervishi, një historian dhe publicist ka postuar në profilin e tij në rrjetet sociale një material mjaft interesant i cili tregon me detaje se kush janë personalitetet politike të Shqipërisë që kanë hapur seancat parlamentare nga viti 1920 deri sot.

Seanca e parë parlamentare në raportin e Kastriot Dervishit fillon me vitin 1920 ku në sy bie drejtuesi i saj, Myhtesim Këlliçi, i cili pasohet në vitin 1921 nga Pandeli Evangjeli, më tej Pandeli Poga, Lef Nosi dhe më pas gjatë diktaturës, sërish hapja e seancës së parë ka personalitet të kohës.

Në vitet e demokracisë është bërë tashmë rregull i shkruar që seancën e parë të Kuvendit e drejton deputeti më i vjetër. Në vitin 1992 parlamenti hapet nga Pjetër Arbnori, më pas Sabri Godo dhe më tej korrrifeu i letrave shqipe Dritëro Agolli.

Sot seanca u drejtua nga Besnik Bare, pas refuzimit që bëri Sali Berisha. Fatkeqësisht do të kemi një parlament që ndoshta nga niceli intelektual dhe shoqëror do të mbahet mend si më i dobëti dhe i mbushur plot e përplot me servile dhe lëpirasa të pavlerë.

E në rast se parlamenti i shkuar ishte i mbushur me kriminelë, ky i riu është i mbushur me anonimë, deputet me mandate të blera, pseudointelektualë dhe servile liderash./CityNews





Lajmet e fundit nga