E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Nga Xhovani SHYTI/Absurdi francez i rivendosjes së vizave: ndëshkim kolektiv shqiptarëve

7 Shtator 2017, 11:09, Aktualitet CNA

Më shumë se 7256 shqiptarë kanë bërë kërkesë për azil në Francë duke e detyruar këtë shtet të lëshojë të njëjtin paralajmërim, si edhe Hollanda, për të rikthyer rivendosjen e regjimit të vizave për të gjithë shtetasit shqiptar.

?Pas Holandës edhe Franca mund të kërkojë rivendosjen e regjimit të vizave me Shqipërinë. Por ndryshe nga Amsterdami, që këtë hap e kërkon për të ndalur organizatat kriminale shqiptare që veprojnë kryesisht në trafikun e drogës, për Parisin shkak janë kërkesat e larta për azil që vijnë nga Shqipëria. Të dhënat zyrtare të Ministrisë së Brendshme franceze tregojnë se Shqipëria mban vendin e parë të numrit të azilkërkuesve për vitin 2017…?.

Ishte kjo përmbajtja e lajmit të raportuar nga mediat shqiptare që si burim konfirmimi zyrtar i referoheshin homologeve francese. Duke e shoqëruar lajmin edhe me një tabelë të publikuar në të përditshmen ?Le Figaro?, mësohej se, nga janari deri në gusht, 7256 shqiptarë kanë paraqitur kërkesë zyrtare për azil në Francë, kërkesë kjo që rezulton të jetë 178.9% më shumë se e njëjta periudhë e vitit 2016… Për të kontrolluar situatën, Parisi është i detyruar të kërkojë për Shqipërinë të njëjtat klauzola mbrojtëse që kërkoi për Gjeorgjinë dhe Ukrainën: një rivendosje të vizave në rast të abuzimit me mikpritjen?, shkruan gazeta ?Le Figaro?.

Për 7256 shqiptarë, të cilët, që nga muaji janar deri në gusht 2017, kanë paraqitur kërkesë zyrtare për azil, shteti që nëpër shekuj me rradhë ka pretenduar se respekton lirinë, barazinë, vëllazërinë ( “Liberté, égalité, fraternité”), ka paralajmëruar të penalizojë më shumë se tre milion shqiptarët.

Duket absurde, por është një realitet i konfirmuar jo vetëm nga gazeta ?Le Figaro?, por edhe nga Ministria e Brendëshme e Francës, të cilës ?Le Figaro? i referohet. Dhe nëse Hollanda në vijimësi të qëndrimit të saj për vendosjen e rregjimit të vizave ndaj shqiptarëve, për hatër të kriminalitetit të shtuar, bëri një hap pas, duke e zbutur dhe saktësuar deklarimin, Franca e lirisë, barazisë, vëllazërisë ende nuk e ka bërë një hap të ngjashëm.

Pra, të vendimojë në klauzolë se do të penalizojë çdo kënd nga shqiptarët që do të verifikohet se janë të parregullt me kërkesat dhe dokumentat e paraqitura për të përfituar azil, Duke i riatdhesuar, por edhe duke u’a ndaluar lëvizjen në zonën Shengen.

Sepse kjo është ti japësh Cezarit çfarë është e Çezarit dhe jo të penalizosh mbi tre milion shtetas nga që autoritetet përgjegjëse franceze, hollandeze apo të kujtdo vendi tjetër qoftë janë të paaftë të bejnë detyrën funksionale.

Sepse tingëllon vërtetë absurdë vendimi që për 7256 shqiptarë problematikë Franca ti bllokojë lëvizjen në zonën Shengen gjithë popullsisë shqiptare që as ka ndër mend të aplikojë për azil./CityNews