web counter
LEXO PA REKLAMA!

SHKARKO APP

App Store
Google Play

Nga Fatos LUBONJA/ Mbulimi i Skëndërbeut dhe përralla me zogun më të vogël të pyllit

7 Shtator 2017, 10:52, Aktualitet CNA

Mbulimi i figurës së Skënderbeut në Faljen e Namazit të Kurban Bajramit ka ngjallur debate të shumta.

Ka pasur nga ata që e kanë cilësuar si një nënvlerësim të figurës  së heroit tonë kombëtarë, e ndërsa disa të tjerë e kanë analizuar sipas riteve fetare: asnjë besimtarë nuk duhet t?i falet përpara një figure, statuje, picture dhe as sculpture.

Lidhur me këtë, edhe analisti Fatos Lubonja ka bërë një opinion me titull ?Skëndërbeu dhe kolibri?. Ai i është përgjigjur një opinioni të bërë nga Artan Lame sipas të cilit ?të gjithë janë Skëndërbe? nw gazwtwn Panorama.

Shkrimi i tij është ndërtuar mbi pyetjen: A mund dhe a duhet të konsideruar Skëndërbeu detyrimisht zoti i parë i shqiptarëve, sepse përndryshe nëse futen zota të tjerë kombi rrezikohet? Sipas Lubonjës, shprehja ?Të gjithë jemi Skëndërbe? nuk ka asnjë vlerë në ditët e sotme dhe e shpjegon shumë thjeshtë: ai ka drejtuar në një kohë lufte, ndërsa sot jetojmë në një kohë paqeje dhe demokracie. Lubonja shton se figura e Skëndërbeut, duke këmbëngulur se nuk dëshiron të shajë heroin e atyre kohërave, është mitëzuar, rimodeluar nga rilindasit duke e sjellë si heronjtë e filmave hollivudian, por një gjë e tillë nuk është në realitet.

Si kundërpërgjigje të kësaj shprehje të Nolit, por të sjellë në vëmendje nga Artan Lame, ai ka sjellë përrallën e kolibrit, zogut më të vogël, i cili kur ra zjarr në pyll dhe kafshët e tjera u frikësuan, ai me sqepin e tij të vogël merrte ujë nga një përrua dhe kontribuonte në shuarjen e flakëve. Kur e pyetën kafshët e pyllit se me sqepin e tij do shuante zjarrin ai u përgjgij: E di, po unë bëj pjesën timë.

Në këtë formë ai përcjell dhe një mesazh të rëndësishëm: askush nga ne nuk është hero në këtë shoqëri të ditëve të sotme, heronjtë i përkasin të kaluar dhe filmave, por secili nga ne mund të kontribuojë sado pak për të përmirësuar këtë shoqëri./CityNews





Lajmet e fundit nga