web counter
LEXO PA REKLAMA!

SHKARKO APP

App Store
Google Play

E fundit!

x

Skandali i ndotjes nga solari në Vlorë/ Sazan Guri: “Ndotje më e rrezikshme se ajo spitalore”

3 Shtator 2017, 07:52, Aktualitet CNA

Bregu i detit Jon në Vlorë është pushtuar nga solari(nafta bruto) duke u kthyer në një rrezik të madh për mjedisin dhe banorët.

Më e prekur është zona e Triportit në këtë qytet e deri më tani nuk ka një reagim konkret nga ana e autoriteteve pavarësisht shqetësimit të ngritur.

Skandali u denoncua 2 ditë më parë nga Citynews.

Nuk dihet nga kush janë hedhur këto mbetje, teksa dyshimi ngrihet mbi anijet që veprojnë në zonë të pakontrolluara dhe pa përgjegjësi për veprimet që kryejnë.

Ambientalisti Sazan Guri në një intervistë për Shekulli ka renditur shkaqet dhe pasojat e këtij fenomeni, duke thenë se rrezikshmëria nga këto mbejtje është më e madhe sesa mbetjet spitalore

?Kjo situatë mund të vijë për shkak se aty kemi një kompani, si ajo e Petroliferës që ushtron aktivitetin  e saj në këtë zonë qysh prej 12 vjetësh, kohë që ne e kundërshtonim për faktin se ky gji është i mbyllur, dhe cfarëdolloj aksidenti e ka të vështirë për tu rehabilituar, ndryshe nga ajo në Porto Romano që ndodhet në det të hapët. Përpos kësaj mund të ndodh që jo vetë për aksidente të Kompanisë, por edhe nga operacionet e kompanive të tjera që furnizojnë këtë mini port hidrokarburesh, dhe në ikje mund të lëshojnë  po?.. ose mbetje solari, mbetje të depozitave që ndryshe quhen ujra balancë, ku kjo e fundit ka më shumë të ngjarë. Ujrat balancë janë ujërat e përziera me naftë, që rrinë në cisterno për aq kohë sa anija cisternë i mban për lundrim dhe i derdh ato kur ngarkohet me nafte apo solar në një vend të caktuar. Mrëpo, këto mbetje në një port tjetër kërkon kosto t?i shkarkosh dhe sipas marrëveshjes marpol, nuk guxon dot një kaoten ti hedh ato në det të hapët aq më tepër në një det të mbyllur si gjiu i Vlorës. Mirëpo Shqipëri hesapi, sic bëri vapori Krochierë në fund të Korrikut në Sarandë, që ndenji e ndenji dhe kur iku na lëshoi gjithë ?bajgat? njerëzore të udhëtimit nga kishte ardhur pa pikë shpenzimi, dhe madje me inat e urrejtje na e derdhi?,- ka thënë ai.

Më tej ai ka renditur dhe mënyrat se si pastrohet solari nga bregu:

?Rrethohet zona me një tubo plastike me ngjyrë. Me anë të një mjeti ?skreening? shoshitet uji i detit për të mbledhur cipat notuese të saj. Shtyhet nafta solar drejt bregdetit, dhe aty mblidhet me mjete ndihmëse për ta mos ta lënë të prek rërën ose shkëmbin bregor. Ka edhe mjete të tjera, por rëndësi ka të ketë mendje dhe dëshirë, sepse ku ka një ?ëill? thotë anglez vllai, ka një zgjidhje?,- vijoi Guri duke shtuar edhe ndikimin që ka solari te jeta e njerëzve:

?Ndikimi në jetën njerëzore është i jashtëzakonshëm për aq kohë që kjo mbetje, siç e thamë më lart është e kategorisë A në suazën e mbetjeve të rrezikshme, madje më e rëndë se ato spitalore. Ndikimi i tyre te njeriut vjen në trajtë të shumëfishtë, se mbasi njeriu e merr direkt, ai e merr të shumëfishuar ose të akumuluar prej ujit, prej rërës, prej ajrit por më shumë prej kafshëve të detit, me të cilat ai ushqehet. Jo rastësissht, në ndotjet mjedisore detare ose oqeanike, njeriu është helmuar prej pranisë së metaleve të pëndë që lëshohen nga ndotjet e naftës ose djegia e mbetjeve në inceneratorë ose prej impianteve termoelektrikë për prodhim energjie?,- tha ai ndër të tjera.

Këtu lexoni lajmin e Citynews

Skandal/ Triporti Vlorë mbulohet nga nafta bruto/ Institucionet ?flenë gjumë” (Foto+ Video)

/Citynews





Lajmet e fundit nga