E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

Amnistia "vrasëse" e Ylli Manjanit/ Liroi nga burgu vrasësin e gjykatëses Hafizi

3 Shtator 2017, 14:21, Aktualitet CNA

Vrasja e gjykatëses Hafizi nga ish-bashkëshorti i saj Fadil Kasemi është edhe përgjegjësi e palëve politike, e sidomos LSI-së me përfaqësuesit e saj që kanë drejtuar ndër vite Ministrinë e Drejtësisë.

Një nga këta përgjegjës është edhe ish-ministri i Drejtësisë Ylli Manjani.

Në Komisionin e Ligjeve në fund të vitit të kaluar, kur është diskutuar për amnistinë që do të jepej në fund të vitit, PD ka qenë e vetmja që nuk ka votuar si rrallëherë, për shkak të hapësirës së madhe që lejonte ligji të personave që do të përfitonin nga amnistia.

Madje ka patur edhe një debat të fortë mes deputetit demokrat Eduart Halimi dhe ministrit Manjani për gamën e madhe të krimeve që faleshin nga amnistia.

Por megjithatë ligji në fjalë u kalua.

Për këtë arsye PD ka bërë këtë deklaratë sot, ku në fakt duhet të përmendte edhe LSI-në dhe jo vetëm kryeministrin Rama, pasi kujtojmë që Ministria e Drejtësisë ka qenë e drejtuar në vitet e fundit nga LSI.

LEXO TË PLOTË:

Vrasja e gjykatëses Hafizi/ PD: ?Krimineli u lirua nga një amnisti skandaloze?

PD thotë përgjegjësia për vrasjen e gjykatëses është e Edi Ramës, por nuk duhet lënë jashtë kësaj përgjegjësie as LSI-ja dhe Ylli Manjani, të cilët kanë liruar nga burgu qindra të burgosur, që mund të kenë qenë edhe pjesë e klientelës së tyre politike.

Edhe nëse vetë Manjani do të mohojë përgjegjësinë, kujtojmë që para tij ka qenë ministër Nasip Naço nga i njëjti kazan i pistë politik.

Kujtojmë se 3 ditë më parë ish-ministri Manjani shkruante këtë status reagues pas vrasjes së gjykatëses Hafizi:

?Lajm shokues!

Një zonjë, një nënë, një juriste dhe gjyqtare shumë e zonja humbi jetën nga dhuna barbare!

E humbi jetën pas një dhune permanente. Policia e Shtetit duhet ta dijë mirë këtë rast!

Fildesi ka qenë një studente ekselente. Përfundoi edhe Magistraturën shumë mirë.

Ishte një qytetare me rregulla dhe me moral e karakter të fortë!

Nuk ka më fjalë për këtë akt barbar!

Një provë tjetër e luftës ndërmjet Qytetarisë dhe Barbarisë! Qytetaria sot u godit rëndë!

Sistemi ligjor e shtetëror ende i trajton barbarët si qytetarë të barabartë! Kulmi i dështimit!

Shteti që nuk mbron qytetarinë është i rrezikshëm!

Na rrofshin, task-forcat; delta-forcat; forcat e armatosura se pikë force nuk kanë!!!

Na rrofshin edhe ligjet, gjykatat, policët, NGO, ministritë, deputetët, prokurorët, SPAK-erat e pesticide të tjera si këto! Nuk i duhen askujt!

Qytetarët dhunohen e vriten, barbarët gjykohen dhe shpëtojnë!

Nejse, ngushëllime të thella familjes!?,- reagonte Manjani.

Duke iu rikthyer investigimit të bërë nga Citynews, për t?u votuar një amnisti duhet të propozohet nga Ministria e Drejtësisë( e mbajtur ndër vite nga LSI), duhet të votohet në Parlament ku PS kishte numrin më të madh të deputetëve, si dhe duhet të dekretohej nga vetë Presidenti Nishani(i vendosur në atë detyrë nga PD).

Pra një tërësi hallkash kanë bërë të mundur që dhjetra autorë krimesh të dënuar me pak vjet burg të përfitojnë ulje të dënimit të dhënë ndaj tyre.

Ndërkohë që amnisti të tilla nga PD janë dhënë në vitin 2009 në kujtim të 65-vjetorit të çlirimit dhe në vitin 2012-të me rastin e 100-vjetorit të Pavarësisë.

Në të dyja rastet amnistitë nuk kanë qenë kaq të gjera sa ajo e bërë vitet e fundit nga qeveria Rama.

/Citynews