web counter
LEXO PA REKLAMA!

SHKARKO APP

App Store
Google Play

E fundit!

x

Policia rrugore me zemër “në dorë”/ Paralajmëron edhe dasmorët

3 Shtator 2017, 11:16, Aktualitet CNA

Policia rrugore u ka bërë thirrje të gjithë drejtuesve të mjeteve që të bëjnë kujdes gjatë qarkullimit në akset rrugore për shkak të lagështirës në rrugë, çka ka vështirësuar rrjedhshmërinë e trafikut.

Përveç drejtueve të makinave, në postimin e tyre nuk kanë anashkaluar edhe sjelljen e dasmorëve, të cilat mund të jenë shkak aksidentesh. Dasmorët të mos dalin nga dritaret dhe të mos parakalojnë, ka shkruar në njoftimin e saj Policia e Shtetit.

Si rezultat i rreshjeve, është vështirësuar qarkullimi në aksin rrugor Orikum – Dukat, për shkak të rënies së dherave në rrugë. Ndërkohë që janë angazhuar dy patrulla të policisë për të pastruar rrugën dhe për të lejuar qarkullimin e automjeteve.

Këshillat nga Policia Rrugore për drejtuesit e mjeteve gjatë udhëtimit:

– Të ruajnë kontrollin e mjetit dhe të kryejnë manovra të sigurta

– Të qarkullojnë me shpejtësi konform segmentit rrugor dhe sinjalizimit përkatës

– Të përdorin rripat e sigurimit në mjete, kaskat mbrojtëse në motoçikleta

– Të mos përdorin aparatet celulare gjatë drejtimit të mjeteve

– Të mos përdorin pije alkoolike në rast drejtimi të mjeteve

– Të bëjnë kujdes me këmbësoret që kryejnë kapërcimin e rrugës jashtë rregullave të qarkullimit rrugor.

-Karvanet me makina të dasmorëve të respektojnë rregullat e lëvizjes, të mos parakalojnë, dasmorët të mos dalin nga dritaret pasi bëhen burim aksidenti.

-Për shkelësit e normave të sjelljes gjatë drejtimit të automjetit, Policia Rrugore do të marrë masat administrative maksimale ndaj tyre./CityNews

 





Lajmet e fundit nga