web counter
LEXO PA REKLAMA!

SHKARKO APP

App Store
Google Play

E fundit!

x

“Shpërthen” analisti/ Histeria e atdhedashurisë si nderi i tutorëve të prostitutave

2 Shtator 2017, 15:24, Aktualitet CNA

Analisti dhe gazetari i njohur, Mentor Kikia, është bërë pjesë e debatit të fortë mbi mbulimin e shtatores së Skënderbeut për Kurban Bajram.

Në rrjetet sociale, Kikia shkruan se e gjithë kjo zhurmë është një falsitet. Mes të tjerash, ai bën një paralelizëm mes tutorëve të prostitutave dhe atyre që shiten si patriotë.

Shkrimi i plotë:

Histeria e atdhedashurisë si nderi i tutorëve të prostitutave

Ne shqiptarët i kemi mbushur mendjen vetes se jemi njerëz të besës, e madje këtë e kemi një institucion të hipotekuar në ?arkivën? e pasurive tona kombëtare. Gjithashtu i kemi mbushur mendjen edhe se nderi për ne është gjeja më e shenjtë. Dhe në këtë pikë ne jemi shumë të qartë, që për nder kuptojmë atë seksual, pra mbrojtjen e nderit të femrës.
Por asnjëherë se kam kuptuar se si është e mundur që burrat që të vrasin për nder, mbushën rrugët e Europës me vajzat e vendit të tyre, madje edhe në farefis, që i shfrytëzojnë për prosituta? Si shpjegohet që këta soj burrash bëjnë dasma me krushqi e unaza në vendin e tyre, dhe sapo mbërrijnë në Itali e Holandë, nuset i nxjerrin në rrugë për ti shfrytëzuar si prostituta?
Këto realitete kontradiktore, mu kujtuan ndërsa prej dy ditësh ka shpërthyer kudo histeria e atdhedashurisë, për mbrotjejn e figurës së Skënderbeut, pasi Komuniteti Mysliman vendosi një ekran në sheshin ?Skënderbej?, kur do të kryehej falja e Bajramit. Sa i takon ekranit, unë ndaj mendimin se ajo është cështje këndvështrimi. Nga diku shatorja nuk shikohej plotësisht, e nga diku shikohej. Eshtë si puna e eksplisit, që në një continent shikohet i plotë, diku i pjesshëm e diku nuk shikohet fare. Unë mendoj se këto lloj histerish shpërthejnë sa herë preket diku sedra historike dhe atdhetare. Por a janë vertet kaq atedhetarë shqiptarët? A iu dhimbset vërtet historia dhe vendi i tyre kaq shumë sa bërtasin nëpër media e rrjetet sociale?
Unë them që jo! Ata që bërtasin për një ekran ne sheshin ?Skënderbej?, përse nuk bërtitën kur Kalasë së Mamicës në Petrelë i ndërtuan mu në majë një mejhane që pjek qofte dhe pula?
Këta që bërtasin kaq shumë për historinë, përse nuk shqetësohen për shkatërrimin e trashëgimisë, poshtë e lart, nëpër qytete e male?
Këta që e duan kaq shumë Shqipërinë, përse nuk e shprehin dashurinë ndryshe, duke bërë më shumë për ta shpëtuar këtë vend nga shkatërrimi dhe rrënimi që po i bëhet cdo ditë në male, fusha, lumenj e dete?
Ka shumë mënyra për të treguar se sa shumë e doni këtë vend. Më e gabuara është të fusni përcajre fetare./CityNews





Lajmet e fundit nga